[حياتي توأمي]

المشاركة الأصلية كتبت بواسطة زيزومة

اااااااااااااااه من تم البطه
(بوز البطة)

هذا شكله يخرع . . خصوصاً للي توها متزوجه او اللي ما ولدت . . والمنطقه ضيقة !

احسه يعور . . هل تم البطه بيوجع ؟؟

> ياحليلي اتكلم بكل اللغات .. (مره كويتي ومره سعودي ومره شامي ومرة فلسطيني أو أردني ومره مصري خخخخخخخخخخخخخخخ )

هههههههههههههه ظحكتيني والله يازيزومه حبيبتي تبين تجربتي بالظبط عن العمليه وبالتفصيل الممل واذا عني انا ولادتي كانت قبل 6 سنوات وكانت مو ولادة طبيعيه كانت قيصريه بمعنى المنطقه ضيقه من تحت وبصراحه ماحطولي شيء مثل تم او بوز البطه ههههههههههههههه اللي حطولي اياه شيء مثل بوز العصفووورة خخخخخخخ

وكانت جداً سهله وبسيطه واشجع الكل يسويها
وخذي روابط مواضيعي اللي تخص اشعه الصبغه وكيف سويتها
شوفي حبيبتي هذا رابط وتتبعي فيه ردودي عالبنات صفحه صفحه

http://forum.hwaml.com/t255526.html

وهذا احدى ردودي للبنات أقرأي حبيبتي عشان تستفيدي ويستفيدوا البنات

.....
بخصوص أشعه الصبغه راح أشرحها كيف كانت وبالتفصيل لكي تستفيدي منها وتتشجعي تعمليها وعشان تجربتي تفيد البنات ان شاء الله .....

طبعا قبل ماروح لموعد الأشعه طلبوا مني اكون صايمه عالأقل قبلها ب 6 ساعات
ورحت وانا صايمه قبلها ب 7 ساعات ..
المهم رحت ودخلتني الممرضه وخلعت ملابسي ولبست لبس المستشفى ونمت على سرير كان فوقه جهاز معلق لتصوير الرحم قبل البدء المهم دخلت دكتورتين يعني ولا وحده منهم الدكتورة اللي أنا اتابع عندها التبويض .. هذول تبع اشعه الصبغه هم خاصين لهالشغل وبس
انا توقعت دكتورتي اللي تعملها طلع لا . المهم سألت عن دكتورتي وقالولي هي بس تشخيص لكن احنا اللي نقوم بالاشعه وقلت الله يستر
المهم قبل اي شيء خذولي صورة للرحم بالأشعه عن طريق الجهاز اللي فوق بطني بس كمجرد صورة يعني مو شيء يخوف..
وبعدين عطوني بالوريد حقنه مخدر خفيف جدا يعني جرعه مخففه جداُ بس حتى يسترخي جسمي.. وبعدين حقنولي الماده اللي بيحقنوها في الرحم للتأكد من سلامة الأنابيب طبعا بعد مايتم تركيب حديده بالمهبل حتى يضعون فيه انبوب يضخ الماده ألى داخل الرحم ومن ثم الى الانابيب
طبعا لاتخافي من كلمه حديده بيركبوها في المهبل اقصد بيثبتوها في أول المدخل عشان يتحكموا بمدخل المهبل وهذا مابيألم أبداُ أبداُ يعني هم بس بيحاولوا يفتحوا فتحة المهبل عشان يقدرو يضخوا المادة فيها يعني مافي ألم بهالمرحله نهائيا ُ
نأتي للخطوة الأخيره : عند الحقن
هنا حسيت بألم مغص دورة حتى المخدر المخفف اللي عطوني له مجرد ريلاكس لا أكثر يعني بصرااحه حسيت بألم يعني كمغص دورة بالظبط بس اقوى شوي .. وحتى قعدت اتحرك من مكاني وهم يمسكوني يقولون لي لا تتحركي ..
وخذولي الصورة للرحم بعد الحقن طبعا ُ ومانزعلولي اداة التثبيت بالمهبل إلا لما تأكدوا ان الصورة بعد الحقن واضحه تماماً وبعديها تقريبا بدقائق معدوده أزالو اداة التثبيت بالمهبل وقالولي خلاص خلصنا .
حبيبتي العمليه كلها مو مستاهله خوف يبغالها قلب قوي وعشان خاطر البيبي كل شيء يهون ...
وهذي تجربتي بالتفصيل

نعم ونسيت اقولكم نيموني عندهم تقريباُ ساعه عشان يروح أثر المخدر وفعلاُ نمت لأني اصلا كنت طالعه من شغلي ورايحه عندهم يعني كنت تعبانه ويارب يعوض تعبي هذا بخير يااارب ..
وبصراحه من بعد الأشعه حسيت بمغص بين القوي والمتوسط وهم طبعا عطوني مسكنات بس الحمد لله نمت فليل ولما صحيت ثاني يوم رحت للشغل عادي جداً مافي اي شيء
والحمد لله طلعت سليمه يعني الأنبوبين سليمين ولله الحمد والشكر ....