مساء الخيرات على أحلى المدامات القمرات
انا عضوة جديدة معاكم يارب أكون من العضوات الدائمات
انا بقالي أسبوع بشعر بأكتر من حاجة ومنها
الم في الجنب الشمال ومغصة بتروح وتيجي وكان فيه في الأول إحساس بغممان النفس واصبح في الأيام الأخيرة ترجيع بعد كل وجبة وكمان دخولي الحمام بقى كتير " أعزكم الله "
وألم في آخر ضهري وبنهج كتيررررر وكأني طالعة جبل
المهم بقى انا وجوزي مكدبناش خبر وروحنا للدكتورة وقالتلي كل الأعراض اللي عندك مبشرة إنه حمل و كتبتلي حمض الفوليك ومعاه نوع مضاد للترجيع وقالتلي بعد ما يمر أول يوم تأخير للدورة أعمل تحليل حمل بالدم
انا ميعاد دورتي 27 الشهر الحالي
بس انا بحاول مش أحط موضوع الحمل في بالي عشان مش أتوتر
بس تفتكروا كل الاعراض دي ممكن تكون ايه تاني غير الحمل ؟
وهل ممكن اعمل اختبار منزلي بكرة مع العلم ان ايام التبويض عندي بدأت من يوم 11 ؟