[مروة الجزائرية]

حبيبتي مريم عبد الله أنا زوجي بحسو يحبني بس أمام أمو ما فيه يطلع النفس لو قالتلو يطلقني ممكن يعملها بحكم أنو أمو بصغرهم على قولتها تمرمطت عشانهم و من ها الحكي و أنا أقسم بالله ما بكرها لحماتي برغم كل شي بس مرات بتفورلي دمي بشي كلام حتى عن زوجي لو هو موجود ما تترك شي حلو الا و تحكيه عنو و أنو هو أحسن أولادها و الله يخليلي ياه و الحمد لله عندي ولد مثلو و لما ما يكون مشان تفورلي دمي تحكي العكس يعني أنو ولدها الثاني أحسن أولادها و أنو زوجي تغير كثير و من هالكلام
و بصراحة من يوم ما تزوجت ما يصرف علي غير الأكل الي ياكلو كل البيت و لما أتشهى شي يجيب لكل البيت و يحطو بالثلاجة و أكل مثلي مثل غيري و أنا حامل مرات بحب أشبع من الشي الي بحبو و أقسم ما بتكلم و لا شي و حتى الملابس و أي شي بريدو أي شي بحكم أني بشتغل بدي الفلوس لأمي و هي تشتريلي حتى انو تعود أخر مرة قلتلو أنو بدي أدخل السوبرات المقابلة لشغلي لازملي كم شغلة قالي لا أنتي تدي لأمك هي تشتريلك و الله حتى ملابس البيبي أمي شرتلي من أول شي لأخرو صحيح هو بضائقة مالية بس عم يتسلف فلوس مشان يصرف عالبيت و أنا لاني عاذرتو ما عم أطلب و لا شي منو بس لكل شي حدود
و بصراحة و الله عند أهلي كتير كتير كتير مرتاحة نفسيا و جسديا و حسسوني بقيمتي الي فقدتها من يوم تزوجت