الحمد والشكر لك يا رب حمدا كثيرا طيبا مباركا بعد عناء طويل ودموع كثيرة ودعاء كثير الحمدلله رب العالمين امبارح حللت منزلي وطلعلي خط خفيف جدا جدا يا دوب ينشاف وحكيت مع الدكتور وحكالي احلل دم واليو م الصبح حللت دم وانا ارجف وهي تسحبلي الدم وحزنت علي البنت وحكتلي انا بحكي معك ولما حكت معي وشفت الرقم صرت ابكي وهي تحكيلي مبروك
ادعولي الله يثبتلي حملي لاني اجهضت من تلات سنين وما حملت الا بعد ما انهلكت الحمدلله رب العالمين بكرة رايحه انشاء الله على الدكتور حكالي بدك تثبيت
يا رب تثبتلي الحمل ويكون حمل طبيعي وكل اشي تمام
اما بالنسبة للاعراض فانا الغريب بالموضوع اني ما في اعراض ولا اشي ولااااااااااااااا اشي
كل شهر بحس باعراض حمل قبل الدورة وبتنزل الدورة الا الشهر هاد حتى كنت مستبعده الحمل بالمرة غير انو الدورة عادة بتعلم قبل ما تيجي بيوم الي هو امبارح فما حسيت ولا باي وجع حتى للدورة فجبت التحليل وحللت ولو تشوفو شو صار فيي صرت اروح واجي بالبيت متل المجنونة وابكي لانو جوزي مسافر الله يجيبو بالسلامة يا رب
الاشي الوحيد الي حسيت فيه متل تشنج عند الرحم والمبايض مو وجع دورة بس تشنج متل شد عضلي ...... الي اسبوع معي انتفاخ وتلبك وبطني يكركع حتى استحي اروح عند ناس هههه
وامساك
هاي اعراضي اي سؤال انشاء الله بجاوبكم ادعولي الله ينولكم الي ببالكم يا رب