السلام عليكم ورحمة الله وبركاته
هاذي اول مشاركة لي في المنتدى
وحبيت اشارككم تجربتي كيف شكيت اني حامل لاني دخلت كثير وبحثت عن اعراض الحمل قبل تاخر الدوره واستفدت من بعضها وبعضها مالاحظته ابد
نبداء بعد الجماع باسبوع عشره ايام تقريبا كنت احس بثقل في صدري وانتفاخ في بطني انا كنت مفكرته من القرحه ورحت للدكتوره وقالت لي ما اقدر اعملك شي غير بعد الدوره
وقبل الدوره بخمسه اليام الله يكرمكم شفت افراز ابيض معكر بدم خفيف وانا قريت انه عند التصاق البويضة في الرحم ينزل نقطة دم بس ترا يابنات مره خفيف يعني لو ماشفته في المنديل كان مالاحظت
وطول هالفترة احس بالم في بطني وظهري الين موعد الدوره زاد الالم اكثر من الم الدوره وتاخرت لما اتاخرت يومين شريت كاشف منزلي بان فيه خط خفيف ياله يبان
والالم مستمر لكن بعد خمس ايام من تاخر الدوره نزل مني نقط دم عالى الفجر قلت خلاص هاذي الدوره نمت ولما صحيت وقف الدم شكيت رحت حللت لان الالم ذبحني قلت اذا مو حامل اخذ شي ينزلها وارتاح
والحمد لله طلعت حامل لاني كنت خايفه من الالم لايكون شي ثاني والعياذ بالله
صح نسيت اقولكم انه من اسبوع قبل تتاخر الدوره ونا بس اكل بيض غدا وعشاء وفطور .gif "23")
وكمان طحت في الشاي بحليب
تعرفون كمان ليه شكيت ان الدم الي نزل مني مو دوره لاني عادتا وقت الدوره وقبلها بكم يوم اشتهي الحلويات والكاكاو بس هالمره غير مو مشتهية اكل حلو واذا اكلت وحدة وبس وانا في حملي تنسد نفسي عن الاكل .gif "95")
وسلامتكم
الله يارب يرزق كل من حابه تحمل