السلام عليكم
ولدي يعاني من الاكزيما
عمره بالشهر السادس
الدكتورة وصفت لي منتجات qv
واستخدمتها غسول للجسم وكريم
بس ما حسيتها ذاك المفعول
واستخدمت له فازلين بس ما نفع
الحين استخدم له مرهم الفاكورت
لكن اكتشفت مؤخرا انه مو زين للاطفال
والمشكلة هو الوحيد اللي نفع!!
وبشكل دائم يطلع له حب ويشمخ نفسه، حتى عقب ما احط
والمصيبة ان الناس من تشوفني تسالني ما تحطين له كريم؟؟ وكأني هاملة الولد
من تجاربكم شنو احسن حل للاكزيما؟؟
وشنو الاكلات اللي تسببها
من خلال البحث عرفت ان البيض والحليب والبرتقال والموز والقمح
بس قلت استفسر منكم يمكن في اشياء ثانية اكتشفتونها من تجربتكم
من دش الرابع قمت احط له لوشن عقب السباحة بس من الليلة رجعت للزيت
هل اللوشن يزيد الاكزيما؟
وهل العطر على ملابسه الخارجية فقط "يعني ماحط عالشباحة" يزيدها؟