[البريد الملكي]

السلام عليكم

بنات انا هل شهر استخدمت كلوميد من خامس يوم للدورة وحبة باليوم لمدة خمسة ايام وجتني الدورة بنفس الموعدها وماصار حمل والحمدلله ع كل شي.
اتصلت بالدكتورة اليوم وقلتلها نزلت الدورة قالت انه راح تعطيني نفس الحبوب بس راح اتزيد الجرعه مع العلم انا تحاليلي سليمه والحمدلله وحسب ما قريت بمنتدى حوامل انه كثرت الكلوميد يسبب تكيس؟!!!
هل استمر بالعلاج او اتركه؟!!
اتمنى تفيدوني بناات محتارة وخايفه

شوفي عزيزتي ما نصحك تزيدي الجرعة
لأن اولا اذا انتي سليمة و تبويضك سليم احتمال كبير يسبب لك فرط تبويض و هذا بحد ذاته مشكلة
ثانيا ممكن انتي الشهر هذا ما حصل جماع وقت التبويض راح تقولي كيف ؟ في كثير من النساء اذا استخدمت الكلوميد يتغير عندها موعد التبويض مثلا لو التبويض يوم ١٤ يمكن يصير يوم ١١ في هذي الحالة كثير بنات ما يحصل جماع الا بالتوقيت الخطأ فطبيعي ما يحصل حمل
ثالثا ممكن تغير لك الأيام قبل ما تغير الجرعة و احتمال يفرق الوضع لأن في ناس تاخذ من ٢ يوم إلى ٦ يوم و في ناس تاخذ من ٣ يوم إلى ٧ يوم وفي ناس تاخذ من يوم ٤-٩ وطبعا هذا يكون لعدة اسباب ومنها طول الدورة
رابعا انتي اخذتي الحبوب لكن ما تابعتي التبويض من الأفضل تاخذين نفس الجرعة و تتابعي التبويض عشان تعرفي ايش المشكلة واذا تحتاجي زيادة او لا
و بالأخير انصحك عزيزتي ان ما تاخذيه لمدة تزيد عن ثلاث شهور متتالية حتى ما يسبب لك مشاكل
و ربي يرزقك و يرزقني كل من تتمنى الذرية الصالحة والحمل السليم و التام