[حياتي توأمي]

بنات طبعاً نسيت اقولكم كيف حسيت بالأعراض
ثاني يوم للأبره التفجيريه
حسيت بدوخه لفت الدنيا بعيني لمده دقيقه وراااحت وحسيت بمغص بس راح

وباليوم السابع بدأ عندي المغصصص من ثاني وكان شديد واستمر لثاني يوم وبيوم تاسع رحت عملت تحليل رقمي طلعت النسبه 8 والدكتورة قالت ارجعي بعد كم يوم عشان النسبه هذي احتمال تكون من الابره ..
وطبعاً مثل ما اغلبكم عارف عملت تحليل منزلي واستعجلت يبوم سابع وثامن وتاسع وعاشر من ابره التفجير
وكله يعطي خطين ماحبيت أوهم نفسي قلت يابنت هذا من اثر الابره واكثر البنات بالمنتدى قالوا من الابره وفعلاً سويت التست بيوم 11 من الابره صباحاً وعطاني سلبي لكن بصراحه ما اخبي عليكم
رحت اشتريت تستااات مو بس تست واحد هههههههههه

وبنفس يوم 11 سويته مساءاً حبست البول تكرمون وسويته وطلعلي خطين خفيف خفيف جداً وقلت لا أوهم حالي نصبر لثاني يوم .. وعلى فكره بنات هذي معلومه حلوة اول ماتشوفي الخط راح بعد ماكان يطلعلك موجب بعد الابره اعملي تست ثاني يوم وراح تشوفي الخطين نوروا حياتك من جديد ههههههههه اذا كنتي فعلاً حامل وربي يطعمكم هالفرحه جميعاً يارب
وفعلا قعد يظهرلي من يوم 12 حتى 14 كله ايجابي والحمد لله الحمد لله تأكدت بيوم 14 من التحليل الرقمي
وكل هالفتره السااابقه صري يألمني وكبر شوي وصار طري مع تضخم شوي لكن الحلمات مثل ماهي ماتغير لونها والدوخه كانت مستمره عندي تروح وتجي والمغص كذلك يروح ويجي ومثل ما انتو عارفين نزل علي بيوم 13 افراز بني استمر معاي حتى 14 صباحاً وقام يخف شوي/
والحمد لله ربي جبر بخاطري
يارب يتمم حملي على خير ويسهل عليا الوحام يارب ويسهل حمله ومخرجه
ويارب يرزقكم يارب بالقريب العاااجل اللهم آآآآآآآآآآآآآآآآمين