بالنسبة لهرمون الحليب فامرو ان شاء الله بسيط مع الدوا حينزل
احيانا في الشهر اللي بتاخذي فيه منشط بتتقدم الاباضه وبتنزل الدورة متقدمة تجربتي مع الكلوميد مره وحده وخلال شهرين بعد ما اخذت الكلوميد كان في اختلاف في الدورة طبعا اتقدمت عن موعدها بخمسة ايام كانت تنزل بقعه صغيرة جدا يوم واحد وبعد يومين تنزل وبشكل خفيف
طبعا الكلوميد طول الشهر اللي اخذته فيه وانا احس بمغص ونغزات يمين ويسار صدري فعلا حسيته كبر
ممكن الاعراض اللي مريتي فيها تكون من الكلوميد .. خليكي مع دكتورة شاطره من بعد التحاليل والفحوصات حتقيم حالتك مزبوط وان شاء الله يارب مايكون في شي يستدعي الخوف
وانتي لسى عروسة وربي لسى ماكتب وانتي بيدك تخلي زوجك يرجع يهتم فيكي مو ضروري يكون مزعوج منك ممكن ضغط عمل او شي
لاتحطي في بالك او في باله موضوع صعوبة الحمل وانو في مشكلة وتوتر وقلق عارفه ان قلبك ملهوف على طفل واكيد هو كمان ولا تخلية موضوع نقاش بينكم حسسيه دايما انكم لسى عرسان اعملو انشطه غيرو الروتين سافرو وربي سبحانه بيده كل شي طالما
عارفين فين المشكلة اذا عندك او عند زوجك وبتسعو لحلها وواثقين بان الله ماقدرلك الحمل الا لخير ان شاء الله قريب