حبيبتي بالنسبه للابره ما يأثر اذا يومين خذيتي نفس المكان بس يفضل كل يوم بجهة
وابرة التنشط هي منشطه نفس الكلوميد يعني تكبر حجم البويضه لحد ماتوصل للحجم المناسب
وفي دكاتره يتركونها تنفجر بروحها وفي دكاتره تعطي الابره التفجيريه نفس ما صار معاي
خذيتها واهي اللي لها اعراض متعبه نفس اعراض الحمل بس انا بعد ما نزلت الدوره للحين مستمره معاي اعراض الابره مادري متى تروح !
وبالنسبه لعدد البويضات مو شرط كلهم يتلقحون انا كان عندي خمس بويضات جاهزين للقاح بس ما صار حمل
وممكن يوكون بس بويضه وحده وتحملين
وطبعا اذا في وراثه للحمل التوأم ممكن تجيبين توأم على بويضه وحده
واذا مافي وراثه التوأم فممكن تزيد فرصة انج تجيبي توأم بزيادة عدد البويضات يعني لو في اكثر من بويضه ممكن تتلقح ٢ او ٣ وفي حالات وصلت لأكثر من هالعدد كله بيد الله
والبويضه الكويسه تقعد ليوم التبويض يعني لحد ما تنفجر وفي بعض الحالات تكبر اكثر من الحجم المطلوب وتتحول لكيس
فكل شهر لازم منشطات للي ماعندهم تبويض
والسليمه كل شهر يصير لها تبويض وتكبر البويضه بروحها بدون اي منشطات
وان شاءالله الله يرزقج ويرزقني ويرزق كل محرومه بالذريه الصالحه