[نرجسينا]

وعليكم السلام ورحمة الله وبركاته

الجنين ياغالية يتحرك بعدة وضعيات ولازم قبل التاسع راسه يكون في الاسفل
من الاسبوع الـ 37 ياخذ وضعيته اللي بالغالب راح يولد فيها لأنه يضيق عليه الرحم
وتصعب عليه الحركة والانقلاب كـ الشهور الوسطى

نزول الرأس او وضع المطابقة المقلوب هو طبيعي من الشهر السابع ولايعني الولادة المبكرة نهائياً
وباقي اوقات تحسي فيها انه فيه ضغط على عنق الرحم لكن الولادة لاتحصل حتى يحدث توسع للرحم
وتنزل السدادة المخاطية الحامية للعنق ويبدأ الطلق ^_^

الولادة تصير لما الثقل يذهب وتبدأي تحسي بالرأس في الاسفل وانفاسك ترجع طبيعي لأنه يكون قريب من قناة الولادة

يعني اطمني ولاتخافي لو كان راسه تحت الحمدلله خير لك معناته ان شاءالله بينزل براسه
لأن لو كان يتسبح كثير ويتقلب ممكن يثبت بوضع مقعدي او مائل وهنا تعب عليك

ربي يقومك بالسلامة انتِ والبيبي ولاتخافي اتحركي عادي والالم والضغط نتيجة الوقوف الكثير والطبخ والحركة الكثيرة
الي بالمناسبة مفيد للطفل عشان وضعيته تصير صحيحة لوقت الولادة