[مشاعل الدوسري]

السلام عليكم


عزيزتي انتي ادرى بأتخاذ القرار و لا تسمعين كلام حد و تنفذين من غير قناعة و بعدها تلومين غيرك و الخ من هذي الامور


المهم اذا انتي شايفه انك مو قادرة تكملين معاه و تبين تنفصلين ...

اعملي حسابك حضانة البنت .. و كيف الزيارة بتكون ..

طيب اخذتي حضانة البنت و فجأه جاك نصيبك و بتتزوجين ..

تذكري معاك حق بلحضانه اذا بتتزوجين ماتسقط الحضانه

هذاك قبل تسقط الحضانه الحين الامور تغيرت

بشرط قبول زوجك الجديد بلشرط و كتابته بعقد الزواج ..


المهم انتي اذا كملتي معاه كوني واقعية ماراح تنسين هلامور اللي سوها و فلنفرض كملتي معاه و الرجال تغير و تاب انتي ابليس بيوسوس لك ..
فا اذا تبين تكملين حياتك معاه لازم تجدين طريقة تتعايشون فيها مع بعض عشان بنتكم
و يكون محورها الاحترام المتبادل

كثير بنات ازواجهم متزوجين عليهم ..

مو شرط يقلب عليك و يكرهك هو الحين بغفله .. بكره بس يصحصح بيندم انه سوه فيك كذا و بيتحسف ..

يبي يتزوج يتزوج لكن انه ما يعدل معاك هذي نقطه تقدرين تمسكينه عليه و الشيخ يطلقك منه ...

اثبتي بلاول خيانته صور رسايل ..
اهانته لك حاولي تسجلين صوته لو كان يسبك و و يغلط عليك ..


و استغلي هلموضوع ولو رحتي لشيخ بغيتي تشتكين .. و هو انكر و الشيخ ما اعترف بهذي الامور ..

بس قولي له هذا القران و يحلف انه عادل معاي و ما يخوني و و الخ ...




انا صاحبتي مرت بهلتجربه مره من المرات نصحتها تسجل مقاطع زوجها كان يتهمها بشرفها و الخ ...


فا سجلت عليه مو مقطع مقاطع و رسايل احتفظت فيهم في بيت اهلها و قبل لا تطلب الطلاق ..

اخذت صورة من كل شي بطاقة الاحوال كرت العايله شهادة تطعيم حقت بنتها المهم اي ورق رسمي يخصها احتفظت بنسخ منها في بيت اهلها

و حتى ذهبها ... بعدها قالت له مع السلامه ... اطلبت الطلاق ...


المهم ليه اقولك تهتمين بامر بنتك من جميع النواحي اوراق زيارة حضانه .. و الخ

لان بعض الرجال اذا طلقو حريمهم
يحرقون قلبهم بعيالهم

اعرف وحده بنتها الحين بتدخل 7 سنين تخيلي ما تدرس و لا هي مضافه في كرت العايله
و لا يصرف عليها

فا انتبهي قبل لا تفكرين بطلاق فكري بجميع الزوايا كيف تحفظين حقوق بنتك و حقوقك ..

و لو فكرتي تكملين حياتك معاه كمان فكري من جميع النواحي انتي كيف بتتصرفين معاه اعملي حساب كل شي ..

و الصبر زين و ادعي له لا تدعين عليه ...

حتى لو انفصلتي عنه لا تطرينه بلشين

عشان مصلحة بنتك بكره لا اكبرت يقولن امك شهرت في ابوك و الخ من هذي الامور

اطلعي بلزين و اصبري

الصبر زين



كم وحده فكرت بلطلاق لكن بلنهاية اكتشفت انه مو هذا هو الحل الوحيد في طرق كثيره تحلين فيها المشاكل


تدخلين اهله يحكمون بينكم ما نفع معاه دخلي اهلك

مانفع معاه دخليهم كلهم و بري ذمتك انك حاولتي