منتديات حوامل النسائية - عرض مشاركة واحدة

dr.loly · 08-05-2013, 10:16 PM

اقتباس:

المشاركة الأصلية كتبت بواسطة أم أجنادين 80

اليـــوم زعلت هلبة هلبة هلبة علي حال بلادي

والله اتغششت من يلي صاير

ربي يهدي النفوس

لاحول ولاقوة الا بالله العلي العظيم هدا اللي قعدت نقول فيه

روح زوجي مع الساعه 3 كان في طرابلس قالي " قوليلي الحمد لله علي السلامة "

في طريقه الي طرابلس مع واحد من صحابه كان فيه مجموعه شباب ملثمين

وسلاح اشكال وانواع ينزلوا في الناس من سياراتهم

الناس اللي مروحين من طرابلس ومتجهين اتجاه الزاوية

ولما طبعا بيروحوا مزال هدا صاير بس

في غفلة وتشتت المجموعه علي سيارات اخري هربوا منهم مع

مجموعة سيارات يعني مجموعه سيارات يسوقوا بسرعه ويتبعوا في بعض لما القوهم

مش فاضين بيهم فتبعهم راجلي وصاحبه

ولما مشيت لحوش بوي بعد التراويح في احد الاداعات مش عارفة تقريبا الميدان يتكلموا علي الموضوع

وكل الناس تتصل بخصوصه وكلهم شاهدوا شن صاير

وكانت السيارات مش الزاوية بس صرمان وبوعيسي وغيرها

و52 سيارة فقط من الزاوية حسب كلام واحد من المتصلين

والله وجعني يلي صاير

في النهار وفي رمضان

والله شي يحرق

حسبي الله ونعم الوكيل فيهم

وربي يهديهم ربي يهديهم

الحمدلله علي سلامة زوجك جنوووووووووووودة...
حاسة بيك والله ونفس شعورك بالضبط واكثر ديما شايلة هم البلآد مع اني برا منها
خصيصا بنغازي..........ياخسارة

وع فكرة هالعصابات انتشرن في ليبيا كلها

قبل مانسافروا زوجي شرا هونداي 2013 وزرد بها للجبل مع اصحابه عدن سيارتين وهم ف طريق شلال درنة قعدوا يضايقوا في زوجي واااجد لعند ماوقف وكان معاه شاب بس
قاللهم نحن ضيوف عندكم معقوله هكي؟؟
قال بدا يسب وهكي واللي معاه قعد يقوله هي هي شكلهم واعرين حصلوا كفوف من زوجي وصاحبه بعد عرفوا نواياهم بسرقه السياره قال يحسابونا بلآبل
عموما ردت السياره الاخري اصحاب زوجي واحد منهم عنده سلاح بلجيكي صغير مجرد مافرغ ف الهوا هربوا بعيييييد بسيارتهم ...
والحمدلله السيارة بي 25 الف رزق حلآل ماضاعتش