هذا ياطويلات العمر بوي ربي يطول في عمره ويزيده صحة ونعيم
ولان بوي هو الكبير زي راجلي وراجلك يامولة
كان هو اللي شايل العائلة كلها
زمان بوي كان مازال له سنة ويتخرج مدرس جدي توفي وسيبهم وكان الوقت فقر
فقعد بوي يشتغل علي سيارات الروميس يشيل من طرابلس لين القاهرة وبالعكس
لين دار ملك ولله الحمد وكل مايشري محلات ايحط فيهم عمي الوسطي
ويمسكهم وبعدها سكرو مصر لقى عنده خير
واشوي طلبوه في العسكرية لان عمي كانت احدى عينيه لايرى بيها والاخر صغير مازال يقرى
وقعد عمي زايط في رزق بوي
ولما يجي بوي يحكي لجدتي تقوله خوك خليه ياخذ وكانت جدتي هي اللي مسيطرة علي
كل شي تشري في ذهب لعماتي اللي اصلا هما متزوجات وعند رجالتهم
وتلبس في عيالهم وتعطي في الشرقي والغربي
وامي المسكينة كنت انشوف فيها منقهرة وماتقدرش تحكي .. خاصة انها كانت جايبتنا فصبرت
المهم لين جاوقت علي باتي توفت فيه جدتي الله يرحمها ولقى عمي مركب بوي ديون
فباع كل شي عنده بيش ايسدد والباقي تقاسمه مع خوته مع العلم ان الرزق رزق بوي
____________________________________________
وجعتلكن روسكن
العبرة من قصة بوي ... لوسكتي كيف امي هايكون هذا المصير لان رزقك مايصونه حد غيرك
حتى خوك ولد امك وبوك
لذلك ننصحك بعد ما اتجيبي علي خير وتردي لليبيا لازم اتمارسي مهنتك كطبيبة
وتفيدي وتستفيدي وحقك ما تسكتيش عليه
اطلبيه بالقوة بس بكل حنان ورقة