[أمل ليبيا]

المشاركة الأصلية كتبت بواسطة هدية الخالق

بصراحة أني من رأيي إنه لقطة التليفون مش ذنبه لأنه مسكين انحط في الامر الواقع
أمه قاتله عطيهيلي اكيد حيعطيهلها ما عنداش كيف يدير
تو لو هوا شراه مقصود ليها ممكن تلوميه لكن هوا انزنق وماعنداش خيار تاني
أما لقطة الفلوس بصراحة عندك الحق تزعلي فيها لأنه لو أمه عرفت مش حتخليلكم
شي استغفر الله استغفر الله ما نبيش نظلم لكن اكيد تقولك ما نبيش نخليله شي غادي
علشان ما يصرفش عليها غادي بدون علمي هذا حسب ظني والله أعلم لكن أني والله
الا فهمت شخصية عزوزتك وتفكيرها لأنه في منها نماذج هللللبة حتي اختي مسكينة
مبتلية بوحدة زيها بس هي وضعها أصعب لأنها عايشة معاها في نفس الحوش علشان
رجلها رأس وليد ما عندهاش غيره حتي بنات

المشاركة الأصلية كتبت بواسطة هدية الخالق

لاحول ولاقوة إلابالله العلي العظيم
الله يعينك أمولة ويسامحها وبس شن تبي منكم هادي
بدل ماتفرح لسعادة ولدها وتعاونه هيا بالعكس تزيد
تستغل فيه شن بتقولي هي ؟؟!!!!!!!!
عموما هيا المشكلة انها امه ومايقدرش يدير معاها شي
ولايغير في الوضع شي وخصوصا قلتي انه طيب هلبة
وبار بوالديه ومتحمل مسؤوليتهم من صغره لكن غلط يصرف
عليهم علي حساب نفسه وعلي حسابكم انتم وخصوصا عندكم بيبي
جاي في الطريق ومسؤليات مفروض يحط الحاجات هادي في اعتباره
وانتي حاولي تناقشيه بهدوء وبدون ماتحسسيه انك مضايقة من امه
اومن تصرفاتهم لان في النهاية هادي امه ومايرضي شي فيها حتي لو
هيا الغالطو والحمد لله هادي نعمة البر ان شاء االه ربي حيعوضه
ويعطيه علي قد نيته وبره باهله وانتي معادش تخممي وتبكي وترعشي روحك انتي حامل ويأثر علي نفسيتك وعلي الجنين سلبا
عيشي حياتك وحاولي تستمتعي بوقتك واستغلي فرصة بعدكم
عليها وريحي راسك منها شوية وان شاء الله بالك لما تروحوا
وتشوف حفيدها ربي يهديها وتحن علي ولدها وتراعي ظروفه
وانتي ادعي ديما انه ربك يهديها وصلح حالها وترأف بحالة ولدها
وعلي فكرة حركة التفتليك اللي بدت فيه لما تزوجتوا (غييييييرة)
وخصوصا لو كانت صغيرة نعرف هلبة عزايز يديروا فيها اللقطة هادي لما
يشوفوا كناينهم حلوات ومفتلكات يغاااارو لكن هي الله يهديها
شيبانيها زي ماقلتي مريض الله يشفيه
عموما اسفه عالإطالة ونتمني انكون ساعدتك اوخففت عليك
شوية وربي يصلح الأحوال

اولا بارك الله فيك حبيبتي هدايه وشكرا اكيد كلامك زال حتي شويا من همي وزي ماقلتي المشكله انها امه وحرام عليا مانقدرش نلومه عليها بكل وعارفه اكثر العيب مش من زوجي لانه نيته صافيه ودار الواجب معاها بس هي بدل ماتقدره استغلت الوضع
عموما ان شاء الله نبي وقت نهدا فيه شويا ونكلمه وان شاء الله نوصلو لحل يرضي الجميع وربي يحفظك ويهنيك اختي الغاليه هدايه

المشاركة الأصلية كتبت بواسطة اوشي

هلا امولة حبيبتي ربي يكون في عونك

الله غالب امه شن بديري ...

بس ضروري راجلك يفهم انك حتى انت عندك احتياجات خاصة وانك حامل وقريب يشرف المولود علي خير

فلازم يعاير القضية لو بنقول يخليها بالثلث

ثلث لك انت وهو والبيبي وثلث للحوش وثلث لاهله

انا في الاول كان ومازال زوجي يدير نفس زوجك

قتله بطريقة معينة وفي وقت مناسب راهو حتى نحنا عندنا حق عليه

وحتى انت ديري كيفي فانت ادرى بزوجك امتا مزاجه يكون تمام ويستجيب لك

واغتنمي الفرصة واحكي له لانه ضروري يعرف يمكن راهو مافكرش انه يدير في

شي ممكن ايجي مش في صالحه

المشاركة الأصلية كتبت بواسطة اوشي

طبعا انا زوجي زعل في الاول .. بس انا رضيته لكن اصريت علي رايي

واهو الحمد لله امداير ميزان

ولما زعل حكيتله قصة باتي مع جدتي وعمامي وامي

اهلين بيك عزيزتي اوشي والله حتي اني توا بنحاول اناقشه وان شاء الله ربي يسهل كلامي ويفهمني ومايفهمش غلط اني نحرضه عن اهله او شئ بارك الله فيك حبيبتي ع نصيحتك وربي يسعدك ويهنيك يارب