[مــون حــبــيــبــي]

أنا أحس كل وحدة حسب زوجها ، في رجال لمن تسوي كدا معاهم يذلوكِ ويحسبو ما وراكِ ضهر ويحتقروكِ ويفكرو إنو ما صدقتي تتزوجيه ومالك غيرو ، وفي رجال لمن تسوي كدا تكبري بعينهم ويحترموكِ أكتر ويخجلو من اهتمامك وحسن معاملتك لهم ، فطبيعي لو كان زوجي زي الصنف الأول مستحيل أسوي دا الشي ولو كان من الصنف التاني ح أسوي دا الشي لكن مو دايما يعني من فترة لفترة عشان لا ياخد وجه ..

# أنا صراحة ما قد سويتها لزوجي مع إنو الحمد لله طيب بس أساسا هوا يفك شوزو عند الباب ومستحيل أجي أنا أرخي نفسي وأفكلو هوا ، ممكن الشراب بس برضو ما أتذكر إني فكيتلو هوا ، لكن إيوا أكبس رجولو وأدهنها خاصة لمن يجي تعبان ومتألم منها أو عندو فيها شد ، ولمن أسوي كدا أشوف قديش يدعيلي ولحالها دعوة الله يرضى عليكِ تسعدني الحمد لله ..
* وبرضو لمن يقولي دهنيني أتضايق وأقولو إنته دهن نفسك ، لإني ما أحب أحد يأمرني لكن لمن ما يقول أنا من نفسي أسويلو ومن عيوني ..

^ دي وجهة نظري :)