اليوم غداي فاصوليا ورز بالخلطه وعليه فخدتين دجاج متبلين وشويتهم في طنجره البورديم
وبيتزا وسلاطه مشويه وفاكهه وسلاطه عربيه
الحق راجلي تغدا في الشركه اكلي شويه عرفته واكل مش طريقه ماكلته
حتي عزوزتي ماتغدتش معانا اليوم قالت كليت سلاطه!!!!! اكيد عرفتوا علاش
المهم قعد شوي خليته للعشاء وقبل ساعه ماشاء الله راجلي اتعشاه كله وانا شوي ورنوده
امشيت العشيه لحوش بوي حبيبي النفسيه صفر ربي يهديه رفض جلسه العلاج الطبيعي مع ان الدكتورين الجدد
جابوا بصراحه نتيجه بدت حركته احسن وقالوله شهرين تقدر تمشي بس لو يوسع شوي باله
طبعا بما اني دلوعه وصغيره البابا احم احم تقبل مني كلامي شوي وخلاني انقيس الضغط والسكر وخدي الادويه ووو
ودرتله كبده مشويه مع خضره نيه بوي يحبها هكي من يومه يعني شوي بصل اخضر ورشه معدنوس وطماطم وفلفل
كلاها باهي الحمد لله امي مسكينه هي وخواتي فرحوا لان متغداش كويس وحتي خواتي المتجوزات القيت تلاته ماباش ياكل منهم
طولت الدوه انا محتاجه دعواتكم الحلوه لبوي بالشفاء وربي يحفظلكم كل غالي ياااااااارب