[عذآيب]

صباح الخير ..

أخباركم ي حوآمل ؟

أنا بحط موضوعي ومتأمله فيكم من بعد الله تلقون لي الحل :(

أنا حامل في نهاية الشهر الخامس والدكتوره قالت لي أنها بنوته

وطبعا هذا الحمل الاول لي من بعد سنتين ونصف زواج شفت فيهم

أنواع العذاب من الدكاتره اللي كانوا يقولون لي للاسف أنتي ماتقجرين تحملين

طبيعي بسبب مشاكل في قنوات فالوب والتصاقات .. وكنت مقرره ع طفل الانابيب

لكن ربي أكرمني بالحمل قبل .. ما أغامر ... ولله الحمد :)


مشكلتي اني كنت متفقه مع زوجي اني اسمي البنت .. وهو الولد باعتبار انه اجباري يسمي

على أبوه .. وكان متفق معي على هالشي لدرجة انه كان يناديني بالاسم اللي اخترته انا

وخلاه يكبر بداخلي .. لكن مع الايام صار يعاندني وانا ابي اسمي على امي وابوي ..

وصار يضايقني بهالشي .. مره يقولي بعطيك الاسم ومره يقول لي لا .. أنا أخاف امي تزعل

وصرت عايشه مع انسان متقلب ..

اسم امه مو شين ابدا .. لكنه قديم .. // ولكن للامانه أني ماشفت منهم أي خير أبدا من بداية

الزواج .. الا كانوا هم سبب مشاكلي انا معه بسبب تدخلاتهم


اللي يحزن في الموضوع اني كنت بعرض نفسي لعملية طفل أنانبيب رغم عدم اقتناعي بس

علشان أرضيه .. وبعد هذا كله .. انحرم من ابسط شي ممكن يقدمه لي :(

مشكلتي معه خوفه من أمه وأهله .. بالرغم أن وحده من خواته مسميه اكبر بناتها .. اسم جديد

مو على ام زوجها :(



ساعدوني .. كيف أتفاهم مع زوجي .. وربي تعبت تعبت