حبيبتي حاسة فيكي صار معي نفس ما صار معك وقت بنتي البكر
انا حماتي متسلطة كتير وما بتخاف ربها لما اتقول الكلمة ولا زوجها ولا اولادها ابيقدرو ايقولو لأ
ولما عرفو اني حامل ببنت سمعوني حكي بهد الجبال وحكتلي حماتي انا حالفة يمين كل واحد من اولادي
ابتجيه بنت بسميها على اسمي وكان اخو زوجي عندو بنت اسمها على اسم حماتي عمرها 3 سنين
وانا رفضت كلامها وقلت لزوجي بعد تعب 9 شهور وولادة عصيبة ابتحرموني من ابسط حق وهو اني اسمي بنتي والمشكلة انها بنتي وبنت عمها رح يكون لهم نفس الاسم وصدقيني رحت المستشفى اولد وولدت وكنت امفكرة انو بنتي اسمها على اسم حماتي وحتى لما اجو اهلي يجيبولي جهاز البنوتة كلهم فكرو هيك بس متل ما قالو الاخوات الطفل ابيجي واسمو معو لما اجت شهادة الولادة لقيت اسم البنت هو الاسم يلي انا كنت اخترتو (بانة)سألت زوجي كيف صار هيك حكالي لما شفتك قديش اتعبتي بالولادة ما قدرت احرمك من حقك بإسم بنتك
اسفة على الاطالة بس موضوعك اجاني على الجرح وانا هلأ حامل ببنت وخايفة نفس القصة تنعاد