السلام عليكم و رحمة الله و بركاته .. كيف حالكم بنات .. ؟؟
الحمدلله أنا عندي بنوته راح تكمل بإذن الله 3 سنوات .. و حملت بعدها لكن قدر الله و ماشاء فعل صارتلي ولادة بالشهر الخامس و توفيت البنت .. و كملت حاليا 9 شهور و أنا أحاول الحمل ..
اسأل الله أن يرزقني و إياكم الحمل الثابت عاجلا غير اجلا ..
المهم أنا دورتي تقدم كل شهر 5 ايام .. أو اسبوع من بعد الاجهاض دورتي دايما تتقدم .. و آخر دورتين كانو بالميلادي 05/09/2013 و اللي بعدها 29/09/2013 .. و بشهر اكتوبر اليوم 29/10/2013 و للحين ما نزلت ..
مع اني حسيت بمغص بين فتره و فتره بس دون نزول الدورة .. بتاريخ 27/10/2013 سويت تحليل منزلي بس كان سالب ..
تاريخ 28/10/2013 نزلت افرازات لزجة غليظة مع خيط دم .. فقط
تاريخ 29/10/2013 الفجر شفت افرازات بسيطة بنية .. قلت الحمدلله نزلت الدورة و خيرة .. بس من ذلك الوقت لا يوجد اي افراز او دم .. و لآول مره يحصل معي ..
بنات هل هو حمل .. ؟؟ مع انه التحليل سلبي .. و لا تقولون حمل متأخر لاني متأكده اخر جماع صار تاريخ 12/10/2013 ..
أخاف تكيس لا قدر الله أو كيس أو خلبطة هرمونات .. ؟؟
أو تحصل عادي و مخاوفي مالها داعي .. ؟؟
ياليت اللي مرت بنفس التجربة تخبرني .. و خبروني شو اسوي محتاره .. اعيد التحليل او انتظر او شو .. ؟؟
من بعد رب العالمين مالي غيركم .. و عسى ربي يحقق لكل وحدة فيكم ما تتمنى ..