[أكليل الجبل]

المشاركة الأصلية كتبت بواسطة wasan,

يعطيج العافيه على الموضوع ... عندي بنتين وكل ولاده تختلف عن الثانيه

في بنتي الأولى من شدة خوفي من الولاده ولاني بكريه لما جاني آلم المخاض كنت قبله بفتره اشتريت دوا من الصيدليه يبعونه ع اساس انه يساعد الجنين في الخروج والولاده تكون سهله وصرت اشرب منه مع كل آلم ... وصرت اخذ كف مريم وماء مقروء لنفس الاسباب
... وكانت حالتي يرثى لها هههههه المهم مع الوقت شفت شوية دم نزل مني فخفت ورحت المستشفى على طوول ولما وصلت كان فاتح 3 سانتي وراس بنتي فوق .. الدكتوره طلبت مني امشي ف قسم الولاده عشان تتعدل وضعية الجنين ولا يحولوني قيصري .. مرت ساعات طوووووويله والالم كل دقيقه يجي ويروح وانا امشي وظهري بدا يعورني وكشفت علي لقت بنتي قلبت وبدأ يفتح معي بس كنت ما اقدر ادفع حسيت بتعب وكله موجوعه وابي انااام وكانت عمتي تصحيني وكنت اصارخ واتألم وعمتي تذكرني بالاستغفار وذكر الله .. تهلكت بعدين حطوا لي طلق صناعي وتوجعت اكثر واكثر وصرت ابكي واستغفر واشد شعري واطلب منهم قيصري كنت في حاله صعبه :'( لين طلعت بنتي بس تخيطت خياطه كبيره توجعت منها :'( ...

بنتي الثانيه اخذت درس من تجربتي الاولى .. لما اجاني الم المخاض جلست فالبيت اتحمل الالم بروحي وكان زوجي في منطقه بعيده عني اتصلت فيه انتظره لما وصل قلتله اقعد بعدي بتحمل اكثر ولا اروح المستشفى .. تحملت لحد ما فتح عنق الرحم ونزل ماي اخذني وكانت عمتي معي وانا بسياره احس براس بنتي يبي يطلع .. نزلت من السياره وجلست على ركبتي ما اقدر امشي كنت بولد بشارع .. اخذوني بالكرسي وولدوني على طول حصلوا فاتح 8 وزياده وكانت ولاده سهله بلا خياطه ومن غير محرضات ولا شي ...

طولت عليكم ههههه

ان شاء الله طفلي هذا تكون ولادته سهله ادعولي ... والله يسهل على الجميييييع ....

الله يعافيك وسن شاكره مرورك واضافتك الرائعه

التي شخصيا استفدت منها كثيرا

ربي يسهل عليك في ولادتك غاليتي