السلام عليكم حبيباتي .. انا طبعا سويت انابيب .. وتحليلي يوم الاربعاء لاني بكون كملت 15 يوم من الترجيع .. طبعا اخر دورة جتني كانت 1/1/1435 ودورتي منتظمة يعني مابقى شي عليها ..المهم مأطول عليكم موضوعي اني البارح جتني الام الدورة المعتادة بس بزيادة انا ظهري من تحت هالفترة يوجعني من ادنى مجهود فااحاول دائما اكون مستلقيه على ظهري .. بس امس حسيت وانا نايمة شد بأسفل الظهر الم شديد والم باسفل بطني لدرجة اني حسيت الدورة تكرمون نزلت صحيت من نومي عاالحمام بس الحمدلله مافي شي بس كان الالم لدرجة ان اني مأقدر اتقلب لا يمين ولا يسار من الم ظهري .. ومحتارة هل هذه الام الدورة ولا الام حمل هل الام الحمل تشبه الدورة ولا وش الوضع .. بصراحة مرة هايفه ومتوترة ولسا اليوم الاثنين ويامطول الصبر وألانتظار للاربعاء قلت اسألكم .. ممكن احد يفيدني .. طبعا انا اول مرة اسوي الانابيب وماعندنا اي مشاكل لا انا ولا زوجي .. سويت تلقيح صناعي اربع مرات وفشلت الحمدلله في جميع الاخوال .. اسأل الله العظيم ان يرزقني وجميع المحرومات .. اللهم اني وكلتك امري واستودعتك اجنتي فاثبتها واحفظها لي 9 شهور وارزقني اياها كاملة وبصحة وعافيه ياحي ياقيوم ..