السلام
انا متزوجه من سنه و٦ شهور
اول ٦ شهور من زواجي كنت مسويه مانع
وبعدها عانيت من الناس اللي تلمح واللي تقول روحي دكتور اكشفي واللي تقول ممرخه
مع اني صغيره وزوجي صغير وماكملت سنه زواج
وهم يتدخلوا بحياتي فحسيت نفسي تااخرت بالحمل وفكيت المانع
وصاروا يحنون ع زوجي كل من يشوفه يضحك عليه واللي يقوله انت ماتعرف وانت ماتجيب عيال ومدري ايش
تعرفون الشباب كيف
بعدها زوجي وداني ممرخه وتمرخت الممرخه قالت ماشاء الله ماعندك شي برحمك ابد وان شاء الله بتحملين لا تخافين
وزوجي لا الا مهوجس انه العيب مني كل ماتتاخر دورتي يوم او يومين يقول اي شفتي دورتك مو منتظمه
طبعا الناس دائما تحط العيب بالزوجه مو بالزوج
وهو كان يسمع كلام الناس
وبعدها كملنا سنه وراح حلل وهنااا الصددددمممه
النتيجه كان عنده ضعف شديد والدكتور اكد له انه ماراح يصير حمل طبيعي
زوجي من الصدمه مو مستوعب ولا راضي يصدق
ووداني مستشفى احلل وطلعت نتايجي كلها سليمه
الحمدلله رب العالمين
وهو ماكان متصور هالشي انه هو السبب ومصدوم بقوه
وبعدها في شهر ذو الحجه رحنا مستشفى والدكتور بعد اكد له ماراح يصير حمل طبيعي لازم تلقيح
وانا قالت لي انه ع الشهر الجاي اول ماتجي لك الدوره تعالي خذي موعد عشان اسوي لك اشعة الصبغه
ورجعت البيت وفيني ضييييقه واقرا بالنت عن الاشعه واخاف بقوه وابكي
وكنت ادعي ربي واتوسل بالنبي واهل بيته
واقول يارب ماتجي الدوره خايفه
وجا موعد الدوره وانا انتظرها ماجت
وبعد اربع ايام سافرت ورجعت وانا تعبانه ميته الم في فخودي صحيت من عز نومي من الم الدوره والم فخودي
شسالفه وين الدوره مستحيل الدوره ماتنزل وانا بهالتعب هذا
ويوم ثاني حللت منزلي وتفااجات وكانت اخلى مفاجاااه بحياتي
اشكر ربي واحمده لك الشكر يارب ياررررب
ماشاء الله
اللهم صل ع محمد وال محمد
طلع التحليل خطين حااااامل
ادعوا لي ربي يثبت لي حملي ويتمم علي واقوم بالسلامه
واتمنى انه الله يرزق كل وحده تتمنى الحمل
وطبعا فعلا التفكير بالحمل ياخر الحمل
وتجربتي توضح هالشي
كنت شايله فكرة الحمل لانه الدكاتره اكدوا لنا ماراح يصير حمل
بس قدرة الله فوق كل شي يقول للشي كن فيكون
سبحانك ربي
وسوري طولت عليكم
استغفروا ربكم وادعوه بقد الامنيه اللي تبونها ادعوه وانتوا تبكوا