[إحساس إمرأة]

اتيكيت تناول الطعاام -قبل كل شي أجلسي على الكرسي او الارض وظهرك مشدود للأعلى ولاتنسين تسمين قبل ماتاكليين *-لا تأكلين وفمك مفتوح وكلن يشوف عمليه الطحن وانتبهي لاتتطلعين اصوات وانتي تاكلين -لاتحطين ايدك على الطاوله حطيه على فخذك واذا خلصتي اكل بكيفك يجوز تحطينها *-افضل لك ما تشفطين الشوربة بالملعقه اشربيها مباشره بعد ماتحسسين حرارتها برشفة صغيرة.. الملعقه مو مشكله اهم شي مايطلع صوت.. اما اذا قدمووه في فنجان فعادي تشربين بالملعقه منه بمرة أو مرتين بعدين تشربين منه مباشرة ويمكن تستعملين الملعقة مرة ثانيةعلشان تاكلين الخضار او اللحم اللي باقيه بعد كذا رجعيه وحطي الملعقه على الطبق اللي بجنبه موو داخل الفنجان *-الافضل بوقت العزايم ماتشربين مشروبات غازيه وقت الأكل علشان ماتتطلع الغازات من فمك بشكل مزعج. وان كنتي مشتهيه تشربينه عاد حطي طرف المنديل على فمك وياليت تطلعينها بدون صوت *-لو علق شيء بين اسنانك وانتي تاكلين .. لاتحاولين تحركين لسانك حتى لو مقفله فمك .. اصبري لين تخلصين او اذا مضطره عادي اطلعي وسوي شغلك عاد قدام المرايه *-لاتكثرين الكلام والضحك على الطاولة او ترفعين صوتك *-كولي من اللي قدامك واذا فيه طبق بعيد عنك لاتقومين وتاخذينه .. اطلبي من اللي حولها الطبق تعطيك اياه -شرب السوائل يكون بدون صوت وقبل ماتشربين الاحسن مايكون في فمك شي ويفضل بعد تجفيف الفم بالمنديل قبل شرب الماء علشان بعض الاكل يكون دسم ويطبع على الكاسه بعدين -اذا كانت الدعوى بوفيه يفضل ماتخلين أنواع مختلفة من الاكل في صحن واحد اذا مضطره عااد بكيفك -لا تملين الشوكة أو الملعقة من الاكل لان بيدخل في الفم دفعة واحده وبرضو. لاتاخذين قطعه كبيرة من الاكل على الشوكة همن تجلسين تاكلين منها على دفعات -الخبز اذا جيتي بتقطعينه لاتقطعينه بيدينك الثنتين .. اذا بالبيت عطيها الشغاله تذبحها لك من النص بالسكين ..او قطعيها انتي باطراف اصابعك اليمنى بس -اذا خلصتي كرمشي المنديل وحطيه على منديل ثاني .. او حطيه على طرف الطبق اللي اكلتي منه ..ولاتنسين تحمدين ربك اذا توهقتي وصارت لك مثل هالحالات هذي .. وش تسوين ؟؟ اكلتي طعام كان حااار مره !! لاتطلعينه من فمك ولا تتطلعين اصوات تلفت النظر لك ، اشربي موويه ولاتنهبلين كلها شوي وبيخف .. ولاحظي انها الحاله الوحيدة التي يمكن فيها شرب الماء والطعام موجود بالفم اذا حسيتي طعمه غريب ومو حلو وماقدرتي تاكلينه حتى !!وش تسوين !! حاولي ماتسوين شي علشان ماينتبهون عليك وحطي الي في فمك على المنديل وحطيه على طرف الطبق وولفي المنديل ولو تغطيته بقطعة فوق المنديل احسن اهم شي محد يشوفه قعدتي تعاطسين والناس الي على الطاوله يشوفونك كلهم!! لا تحاولين تاسفين علشان ماتلفتي الانظار زياده .. خوذي منديل وغطيه اذا عاطتستي.. ولو حسيتي انها ماراح توقف اتركي الطاوله احسن لك اذا قدمو لك طبق وانتي اصلن ماتحبينه ولا عمرك اكلتيه!! اعتذري بدون ماتعلمينهم وراه ماتحبينه وبدون ماتعلمينهم السالفه كلها .. قولي ماشتهيه وبس