السلام عليكم ..
أرجوكم ساعدوني وطمنوني واللي صار لهم نفس الشي يخبروني أبغى أتطمن 😰
خلال حملي في إبنتي أكتشفوا فيها تضخم بالكلية اليمنى وطمنوني انه احتمال تختفي بعد الولاده ومع مرور الأيام .. صرنا نراجع لها مواعيد كل 3 شهور شهرين وهكذا بمستشفى حكومي عملنا لها سونار وصبغه ملونه ومزرعة بالبول .. واتضح ان نسبت التضخم 4 من 5 مع وجود ارتداد في البول .. قبل 7 شهور صرفوا لها مضاد ريموكس مره في اليوم وبعد شهرين من العلاج طلبوا نعمل لها آشعه بالنووي .. ومازلت تستخدم المضاد بعد اربع شهور قطعته هنا خوفاً من أضراره لطول المده . مع انه موعده عند الدكتور قبل لكن لظروف انلغى الموعد .. واخذنا موعد بعد 3 شهور بالضبط من عمل الأشعه .. في يوم الموعد بعد ماشاف الدكتور الاشعه أكتشف ان الكليه تعمل بنسبة 8,9 ونصيحته الطبيه لنا بأن يتم إستئصال الكلية مع الحالب لكن بعد عمل أشعة سونار ومزرعة البول واستخدام مضاد trimol وموعد بعد 3 شهور بالضبط للمراجعه وتحديد وقت العملية ..
تعرف شعور الأم في هذه الظروف وأبغى نصيحتك لنا .. وهل نقوم بإجراء العملية لإبنتي .. انا والله خائفه على صحتها ومتردده كثيراً من العملية . في النهاية كل شي مكتوب من الله .. الله يجزاكم الجنه و والديكم ولا يوريكم مكروه ويسعدكم دوم ويخلي لكم أحبابكم يارب ..
أعتذر ع الإطاله ..
وشكراً ...