السلام عليكم يا بنات
بقالي 3 ايام عندي الام في المهبل وتقلصات
روحت الدكتورة النهرده كشف مع اني كنت عندها من 10 ايام وكان وضعي كويس قوي
الدكتورة النهرده اتخضت لقيتها بتقولي اللي نزل الجنين كده
الجنين تحت خالص عند عنق الرحم قالتلي عملتي مجهود قولتلها لاء
بعدها قالتلي عندك امساك قولتلها اه قالتلي يبقى منه
لانه بقالي اسبوع عندي امساك وبضغط على نفسي ففي الحمام اعزكم الله
الجنين كويس ونبضه وميته كويسة بس هو تحت خالص عند عنق الرحم
والحمد لله عنق الرحم مقفول بس انا خايفة قوي عليه
حد يطمني يا بنات حد حصل معاه كده قبل كده
الدكتورة اداتني ابر مثبة كل 3 ايام 3 مرات
واداتني ملين اخد كل يوم قبل النوم وقالتلي الراحة التامة
وانام على ظهري وارفع ريجليا فوق
طمنوني يا بنات هو وضعي خطير انا خايفة قوي والله
يارب احميلي جنيني وثبته يارب
على فكرة انا ايام وادخل الرابع
وكمان عايزة اسألكم هل الجنين ممكن يرجع مكانه فوق وتنصحوني بايه عشان يرجع