[أسيرة زوجي]

المشتركة رقم -05-

امي وابوي يابعد كل الغالين ~ اولاً حابة اشكر اختي ~ أسيرة زوجي ~ على اتاحتها لنا الفرصة على المشاركة بمثل هذي المسابقة الجميلة وماخفيكم انو هذي اول مسابقة اشارك فيها مادري ~ كذا لا شعورياً يمكن لان الموضوع عن اغلى اثنين بالحياة والله جذبتني المسابقة ! ثانياً اعتذر منكم حبيباتي انا ماعرف اكتب الا بالعامية وصعبة علي اكتب بالفصحى غير كذا كل الكلام اللي مذكور تحت عفوي جدن ومن القلب وانا مو مرة بالتعبير كمان القصايد المذكورة تحت كلها منقولة من منتدى وان شاء الله تعجبكم مشاركتي ~ بسم الله نبدى كلمة : امي وابوي ~ اول ناس شفتهم وعرفتهم, وهم اكثر ناس حبوني حتى حبوني اكثر من روحهم , يالله مادري وش اكتب ووش اقول اشياء في داخلي وكانني قاعدة اكتب رسالة لهم ~ مانكر وش اللي عانيتوه بسببي انا واخواني, ماقصرتوا علينا ربيتونا واكلتونا وشربتونا ودرستونا ووضفتونا, وحميتونا من اشياء كثيرة حتى حميتونا من انفسنا ~ عسى الله لايحرمكم الاجر ولايحرمكم الجنة وعسى ربي يقدرني اني اردلكم جميلكم هذا محد له علي جميل الا انتم ! الله يخليكم لي ولا يحرمني منكم ويشفيكم ياتاج راسي. مهما صار عندي من المعارف والاصدقاء والغالين محد منهم وصل مكانتكم في قلبي وانا مهما اعطيتكم ومهما اهديتكم لايمكن اردلكم جزء من اللي سويتيه عشانكم ولا الحق جزاكم ! لو الروح تهدى بهديكم روحي, لو الصحة تهدى بعطيكم عافيتي وصحتي واخذ منكم المرض, لو الراحة والوناسة تهدى باخذ منكم الهم واعطيكم فرحتي. الله يخليكم لي ولا يحرمني منكم ~ امي وابوي الحبايب اهديكم اولاً هالقصيدة ~ يَ جعل نغزات الوجع في عظامي يَ احن مخلوقه و يَ اطهرهم ! عطيني الامك يَ يمه و نامي ! واوعدك بـ/ اضحك للوجع و اقهرهم انتي وطن ، يستحق اللي يضحي لك انتي فديتك ، ( تحت رجلينك الجنه ) لو اقضي العمر يا ( يمه ) البي لك �� ماجيت خيرك ولا ربعه ولا منه يابوي لا فترت اعظامك من الشيب اخذ من اعظامي عظامٍ بديلات صوتك وصوت امي كبار المكاسيب* لا يابعد صوتي وبعد كل الأصوات : * *يابوي انا خادمك وخدمتك نوماس ورضاي لامن صرت راضي عليَ لو العمر يهدا من الناس لـ الناس عد ان عمري جاك مني هديه ابوي جعل الحزن ماهو ب يمك وجعل الفرح دايم بدربك مخاويك يابوي طيبك والله اكبر عيوبك وانت الكرم والجود جعلي ماابكيك* فكرت اهديكم يا امي وابوي هدية ~ وش اهديكم طقم ذهب لامي, وساعة لابوي ! الماس لامي, وسيارة لابوي ! حجة على حسابي مع امي وابوي ! اجلس تحت رجلينكم واخدمكم طول العمر! ابدن ابدن هذي كلها مع بعض ماتردلكم نص جمايلكم علي ولا الحقكم جزاكم امي وابوي وش سر حبي لكم؟! باختصار انتم الاثنين سر وجودي بهالحياة انتم الاثنين سر سعادتي وفرحتي بهالحياة انتم سر نجاحي بهالحياة انتم الحياة الحلوة بالنسبة لي تستاهلون كل شي حلو, وتستاهلون روحي وقلبي وكل حياتي وفرحتي وعساني يارب ماذوق الحزن عليكم ولا يحرمني منكم ويارب يكرمني ببركم وبس ياحبيباتي