ازيكم ياحوامل ...
ماخبيش عليكم كانت فجاءة بالنسبة ليا الحمل كان ماشى كويس جدا طول الاشهر اللى فاتت .. وماشتكتش من اى شئ وكل متابعة عند الدكتورة تقولى كلووو ممتاز ..
عملت السونار الثرى دى فى اخر السابع وكانت مفجاءة ليا قالى الدكتور المشيمة نازلة ومن الدرجة التانية ومية بالمية هاتولدى بعملية قيصرية . زعلت واتخضيت ولما رحت لدكتورتى قالتلى احتمال الوضع يتغير ارتاحى ... ارتحت على قد مااقدرت واتفاجءت من يومين وانا فى نص الثامن وفجاءة ومرة واحدة نزفت نزف شديد ... ومش قادرة احكيلكم اتخضيت واترعبت على الجنين قد اية .. بسرعة كلمت دكتورتى قالتلى خدى حقنة برونتوجيست فورا وارتاحى .... وبالفعل النزيف وقف ... وبعدها رحت اطمن على الجنين وكل شئ كان تمام بس الدكتورة قالتلى التزم السرير حتى يوم الولادة وباخد حاليا مثبت والحمد لله على كل شئ .
بس خايفة اوى من العملية لانى قريت ان ممكن يحصلى فيها نزيف ... ياريت تدعولى ولو حد ولد قيصرى لان المشيمة نازلة يحكيلى التجربة .