[إحساس إمرأة]

جددي نظاراتك الشمسيه مرحبا .. من فتره وأنا أشوف الستيتمنت قلاسز , وحسيتها حركه حلوه تعطي لوك جميل خصوصا واحنا بالصيف واستخدامنا للنظارات راح يزيد بحكم الطلعات النهاريه لقيت كم ماركه منزلين نظارات يكون عليها كرستالات وزي الورود على الجزء العلوي فبدل ما تشترينها وتدفعين فيها مبلغ وقدره على شي ترندي وممكن تطفشين منها بعد فتره , سويها بنفسك =) راح نحتاج لـ نظاره شمسيه (الي بالصوره من ريفير ايلند بـ 70 ريال) لولو بحجمين صغار وكبار (من محل كلف الدرزن ب 4 ريال) ملقاط صمغ طبعا انا اخترت لولو انت ممكن تختارين كرستالات وممكن تنوعين يعني اطلقي العنان لمخيلتك وابدعي الخطوات سهله جدا (احب الاشياء الي ما تتطلب حوسه كثير ) بالبدايه شوفي وين المكان الي ودك تكون فيه الولو قبل ما تستخدمين الصمغ عليها ابدي لزقي حبات الولو بالاماكن الي تبين _بس انتبهوا السوبر قلو مره يحوووس وممكن يخرب عليك الشغل كله_ ولما تخلصين من الجزء الاول ابدي بالثاني عادي لو ما صاروا مره مثل بعض لان ما راح يبين =) وهنا لما خلصنا الشغل هالعمل مره سهل وممتع ولا يأخذ وقت ابد ابد لان السوبر قلو بسرعه ينشف اتمنى انه اعجبكم وياليت تجربونه [/ALIGN]