طبعا انا اليوم رحت لدكتورة عشان تفحص و تشوف ايش صار علي
لأنو سبق اني نزلت موضوع انو عندي الم مرة بالمبيض اليمين مرة باليسار ومرة بالوسط
اول ما صحى من النوم يكون قوي بعدين يخف بس يظل فيه الم المهم رحت وكشفت علي بالسونار
طبعا لازم تكونين قد تبولتي قبل وانتم بكرامة عشام يوضح بالسونار انا تبولت الله يعز القارئين
قبل لا تسوي ولما سوت شافت الكيس عندي وشافت شي جمبه كأنو شي نفس الكيس وجوته في
النص شي انا خفت قلت ايش ذا توقتعه شي طلع لي غير الكيس قالت لي قومي
فضي اللي ببطنك المثانه لسا فيها بول فضيت مع انو ماعندي شي بس رحت ولما
رجعت بين معاها في السونار مرة ثانية بعدين جلست تحوس تشوف
المبايض عندي ولما رجعت له تتأكد مالقت شي
انا طلعت من عندها وقالت انتظري تحليل البول ولما نادتني قالت لي الحمدلله
كل شي سليم بس عندك شوية املاح اشربي مويه و بتروح عادي
طبعا لما رحت اخذ الأدوية من الصيدلية اشتريت تحليل حمل قلت عشان احلل قبل لا استعمل عشبة المدينة لأني
اشتريتها ومعزمة استخدمها من غير شر بس قلت اتأكد عشان ما اندم بعدين
ها ايشقولكم لي ايش تتوقعون ذا اللي طلع كأنو نفس الجنين اللي في اول اسابيعه
بس انا ماجا في بالي توقعته كيس ثاني طلع لي
وباقي لي ع موعد الدورة يومين