[أسيرة زوجي]

إحذرى ان تدمرى طفلك بكلمه : الكلمه أساس التربيه .احنا بنوجه أبناءنا وبنحاسبهم سواء بالمدح او بالتوبيخ على حسب أفعالهم بكلمات وأحيانا بيكون رد فعلنا عباره عن أفعال بس بيتوسطها بردو كلمات . عشان كده خلى بالك من كلماتك أرجوكى لان الطفل بيتأثر بكلماتك وساعات كتير بيكررها لان انتى المصدر الاول اللى بيستنبط منه كل ما يتعلمه من كلمات بقى او افعال . ندخل بقى في الحاجات اللى المفروض تاخدى بالك منها وانتى بتتعاملى مع طفلك : 1_شتيمة طفلك بأسماء الحيوانات زى كلب ..حمار ...حيوان ....وغيرها ودى طبعا حتخليه يتلفظ بكل الالفاظ دى على طول وطبعا مش محتاجه اقوللك انك كده بتدمرى ابنك وبتهينيه. 2_اهانه الطفل بوصف شكله زى أعرج ..........أحول ,,,,,,,,تخين ............رفيع ............اسود ........وغيرها 3_المقارنه :ما ينفعش تقارنى طفل بطفل آخر لان كل واحد ليه قدرات تختلف عن الآخر والمقارنه دى ح تخليه اولا يكره الطفل الآخر ده .ثانيا حيفقد ثقته في نفسه .ثالثا يحس انه انسان ناقص . 4_الحب المشروط : يعنى ما ينفعش تقوليله انه لو عمل كزا حتحبيه ولو ما عملش كده مش حتحبيه وعشان كده حتلاحظوا ان الطفل بيحب جده وجدته اكتر من ابوه وامه لانه حاسس انهم بيحبوه من غير شروط. 5_الاحباط :زى انت اساسا ما بتفهمش او انت مالكش لازمه او ما بتعرفش تعمل حاجه او يا خايب ...........وغيرها من كلمات اللى تحسسه انه مهما عمل مش حيقدر يوصل لارضائك ويحس انه ناقص ومش طبيعى . 6_اوعى تكرهيه في ربنا ايوه تكرهيه ...ياه!عارفه ازاى ؟؟؟؟؟؟؟لما تقوليله ربنا حيحرقك بالنار ..........ده ربنا ح يعذبك . 7_التهديد المرعب زى مثلا حادبحك ............ح اكسرلك راسك .........اشرب من دمك ............ح أموتك ...... 8_رفض طلباته من غير أسباب ..لازم تعرفيه انك رفضتى عشان مثلا الحاجه دى مش حلوة او ممكن تضره او مثلا الوقت متأخر ...أى كلام مقنع ممكن تقوليه ومش معنى كلامى انك لازم تقولى السبب الحقيقي لا خالص مش ده اللى أقصده بس لازم تقنعيه بالرفض عشان ما يكرهكيش . 9_اوعى اوعى اوعى تدعى عليه زى يارب......ربنا ياخدك ..........الله يلعن...........يارب تموت ..............لان دعائك ممكن يوافق ساعه اجابه وربنا يستجيب .ربنا يحفظ لنا اولادنا يا رب . 10- واخيرا انك تفضحيه وتقولى قدام كل الناس مثلا انه عمل على نفسه او سرق حاجه وما كانش يعرف انها حرام او تحرجيه قدام الناس وتشتكى منه قال رسول الله صلى الله عليه وسلم :ليس المؤمن بالطعان ولا اللعان ولا الفاحش ولا البذيء الكلمه الطيبه صدقه. وقال الله تعالى :قول معروف ومغفره خير من صدقة يتبعها أذى نحن نعطي أولادنا كل شيء من طعام وألعاب وترفيه وتعليم ولكننا نحرقهم وندمرهم بالكلام وهذا خلاف المنهج القرآني، وقد اكتشف العلماء المعاصرون أن «الكلمة الطيبة والصدقة» لهما نفس الأثر على الدماغ. فلنحرص على انتقاء الكلام في بيوتنا فللكلمة أثر عظيم، فالقرآن الكريم أصله كلمة، والإنسان يدخل في الإسلام ويخرج منه بكلمة، والأعزب ينتقل للحياة الزوجية ويخرج منها بكلمة، فلا نستهين بالكلمة ولنحرص عليها وعلى الكلمة المؤثرة التي تساهم في بناء أطفالنا وتنميتهم. عشان كده لازم نركز على اسلوب المدح والاحترام والتشجيع والحب . {منقول لعيونكم}