بالنسبه ليا أنا
علاقتي بزوجي تغيرت للأحسن
زوجي بطبعه عنيد وصاحب قرار وشخصية قوية
وبعد 10 سنوات من الزواج ومرورا بالعديد من المشاكل والقصص والدراما
قدرت ألين قلب زوجي وصارت طلباتي وأمنياتي أوامر
مايسوي شي الا بمشورتي واللي أطلبه يتنفذ بكل حب ورغبه من زوجي
وصار يرجع للبيت مشتاق لي وللعيال
صار مايطلع مع زملاه الا بالنااادر.. ماصار يدور عليهم
بتسألوني كيف؟
أولا: رجعت لربي أكثر من أول
ثانيا: الدعاء ثم الدعاء ثم الدعاء
ثالثا: صرت لزوجي الأم الحنونة بدل ما كنت زوجة للفراش بس
صرت أحظنه الين ينام
وأسويله مساج لما نشرب قهوة العصرية مع عيالي
أودعه بالأحظان والدعاء
أصحيه من نومه بمساج بسيط وألعب بشعره ولحيته
ووقت الفطور أوكله بيدي وأطالع فيه بنظرات حب وغزل بين عيالي
أروشه بنفسي.. وأقص أظافره
وكل ما طلع من البيت أتصل عليه مره أو مرتين أقله اني انتظره على نار
ما ألح في طلباتي.. وصرت استخدم اسلوب الدلع وأحسسه برجولته وان الكلمه كلمته
وطرق كثييييره في تعاملي معاه تغيرت في السنتين اللي راحت
وربي يابنات ويشهد علي الله ان حياتي صارت جنة
كنت فيييين وصرت فيييين
الحمدلله على نعمته وفضله
نصيييحة يابنات ابعدو عن الالحاح والزن
لا تتناقشي مع زوجك في المواضيع التافهة
خليه ينتصر عليك في النقاش.. صدقوني راح يتندم ويراضيك على طول
أعطيه مساحة من الحرية في حياته ولا تحاصريه وتسأليه
( فين رايح؟ ايش تفكر؟ ايش تسوي؟ متى بترجع؟ ليش ماتاكل؟ مين اتصل عليك؟)
خليه يتخذ قرار في بيته من ناحية لون الاثاث او التحف
اعطيه الثقة وخليه يشتري على ذوقه وبيني اعجابك بكل شي يشتريه
هذا اللي يحضرني الان
اتمنى انكم استفدتم من تجربتي
وشكرا لكم حبايبي����