الطريقة بسيطة جداً . .
( العجينة )
تستخدمين أي عجينة مرتاحة لها وتصلح للفطاير العادية ، لكن هذه طريقة عجينتي إذا احتجتيها و ان شاء الله تضبط معك
2.5 كأس طحين
1 كأس ماء
2 ملعقة سكر
2 ملعقة حليب بودرة
رشة ملح
1 ملعقة خميرة ( غير مملوءة تماماً )
بيالة شاهي زيت نباتي
تذوبين الخميرة مع الماء ثم السكر والملح والحليب ثم تضيفين كأس واحد من الطحين فقط وتخلطينهم كويس بخفاقة الكيك اليدوية لما يطلع عندك خليط متجانس وقوامه لزج شبيه بقوام عجينة الليقمات !
تغطينها وتخلينها لما يتضاعف حجمها وتظهر لك فقاعات ، تاخذ نصف ساعة تقريباً ، بعد كذا تضيفين الزيت وباقي الطحين بالتدريج لأنه يمكن ما تستهلكينه كله أو تستهلكين أكثر على حسب الوضع !
وتعجنينها كويس لما تحسينها ناعمة في يدك ، وبعدها تغطينها مرة ثانية و تخلينها تخمر لمدة ساعة إلا ربع !
.
.
( الحشوة )
1 / حشوة الدجاج :
بصل مقطع صغار + فص ثوم مهروس + فليفلة ملونة مقطعة صغار + صدور دجاج مقطعة مكعبات صغيره .
تشوّحين البصل والثوم في قليل من الزيت ثم تضيفين الدجاج مع قطرات بسيطة من الخل الأبيض على أساس الزفرة تروح من الدجاج وبعدها تبدئين بالتبهير ( ملح + فلفل أسود + فلفل أحمر حلو + كمون )
وآخر شي تضيفين الفلفل البارد وتقلبينها شوي وبعد ما ينشف الدجاج ترفعينها من النار وتضيفن للخليط ملعقة مايونيز !
- ممكن تستغنين عن المايونيز -
2 / حشوة الفلافل . .
مجرد فلافل جاهز مقلي ، تفتتينه صغار وتخلطينه مع اللبنة بالكمية اللي انتِ تفضلينه !
.
.
( الطريقة )
تبدئين تقسمينها العجين إلي كرات ، وتحشينها بالحشوة اللي تفضلين ( مع حشوة الدجاج أضفت جبن شرايح ) وتكورينها وتحطينها بقوالب الكب كيك وبعدها إذا حبيتي تدهنين وجهها بحليب بوني وتزينيها بسمسم أو شي ثاني وتخبزينها بالفرن تحت حرارة 400 فهرنهايت !
لذذذذذذيذ جربوه
وبالصحة والعافية