السلام عليكم ازيكم يا حلوين ؟؟؟ انا عايشة في مدينة شقراء في السعودية وللاسف المدينة دي مافيهاش غير مستشفى واحد وهو مستشفى شقراء العام وطبعا مظطرة اولد فيها لانه مفيش اختيارات ثانية روحت دلوقتي عشان اسال عن الولادة هناك نظامها ايه ورجعت من هناك مصدووووووووووومة اولا سألت عن تكاليف الولادة قالولي الطبيعي 2000 ريال والقيصري 8000 ريال فرق شاسع سالت عن ابرة الظهر الدكتور قالي مش بندي ابرة الظهر في الطبيعي هو بس بنج رش اثناء الخياطة وللاسف البنج ده مش بيبنج حاجه يعني مالوش لازمة وده من كلام صاحبتي ولدت هناك المهم سألت في مرافق اثناء الولادة قالي لاء مفيش مرافق نهائي اثناء الولادة محدش بيدخل الغرفة غير المريضة والدكتورة والممرضة بس وممكن لما تطلعي على غرفة التنويم بعد الولادة ندخل حد معاكي ودي بصيت للدكتور كده يعني حتى بعد الولادة ماينفعش حد يدخل معايا وهيعمل معايا معروف ويدخل حد ودي سالت لازم افتح ملف قبلها قالي لاء مش لازم براحتك عايزة تفتحي قبلها ماشي عايزة تيجي ولادة على طول ماشي المشكلة بقى كالاتي بعد كل الرغي ده خايفة اولد قيصري لاني طبعا مش هقدر ادفع المبلغ ده ومش معايا تامين ثاني حاجه بالنسبة للولادة من غير ابرة الظهر هتكون عاملة ازاي انا خايفة قوي بعد ماكنت عايشة احلام وردية اننا هاخد ابرة الظهر ومش هحس بحاجة ثالث حاجه ازاي مفيش مرافق ده انا ماليش حد هنا غير جوزي كان نفسي يبقى معايا لاني هبقى محتجالو قوي طمنوني بس بصراحة اللي ولدو قبل كده من غير ابرة الظهر الولادة كانت صعبة وحاسوا بالخياطة بعد الولادة ولا لاء
اللهم انى استودعك جنينى الذى فى رحمى فرده الى عند مولده مرداً سالماً معافى من كل شر وكل مرض وكل اذى اللهم أعيذ ما في رحمي بكلماتك التامة ومن كل شيطان وهامة ومن كل عين لامه اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين