[ليمآإآ]

كيف تمت علية الولادة؟ قيصرية أم طبيعية؟

طبيعية و لله الحمد ..

كم استغرقت من الوقت؟

ولدت بعد العيد كان يوم السبت ثاني ايام العيد رحت الحديقة مع اهلي و ما ريحت ابد و ثاني يوم قمت من النوم نزلت من افرازات شفافة مع دم و الافرازات ما فارقتني مع الام بسيطة طول الاسبوع و بعض الاوقات كانت قوية و فجأة تخف و يوم الخميس في الليل الساعه 12 فجاة جتني الام قوية و قعدت اختي تحسبلي الوقت و قالت الطلق منتظم و فعلا الام كانت تصير اقوى لين الساعه 2و نص الفجر ما قدرت اتحمل رحت مستشفى دبي لين ما وصلت 3 و نص تقريبا و بنات اهم شي طريقة التنفس فعلا يريح و الحمدلله قاست لي كان مفتوح 4 سانتي و نوموني على طول و ككنت مو قادرة اتحمل لين ما فتح 8 سانتي و قالو لي بعدها 10 و هنا وقت الدفع خلاص كنت ميتة مو قادرة ادفع لاني كثير مشيت لتوسيع الرححم ف خلاص كنت تعبانة و مو قادرة ادفع الدكتورة قالت ادفعي و انا مو قادرة ادفع و كنت ادفع لكن مو مثل ما تطلب الدكتورة و الساعه 7 شرف ولدي حبيبي محمد ربي يحفظه لكن كان مغمى عليه لاني ما قدرت ادفع من التعب الي فيني و الحمدلله على كل حال .. بنات انا من يوم السبت شفت الافرزات و ما فارقت التمر كنت اخذ في اليوم يمكن 20 حبة لين يوم الخميس يعني اسبوع كامل كامل اخذ تمر بكثثثثثثثثرة و الحمدلله على كل حال و ايضا الاناناس فريشش يوميا اكل و الجماع وايد يسهل لفتح الرحم. ..

كيف كان شعورك وانت تحسين أنه آن وقت ولادتك؟

كنت فرحانة و ف نفس الوقت كارهة نفسي ابي افتك و اولد من التعب

هل ولادتك سهلة أم صعبة؟

سهله ولله الحمد لكن وقت الدفع صعب

كيف استقبلت طفلك؟

ما استقبلت ولدي على طول خذوه مني كان مغمى عليه

ماذا كان شعورك وأنت تضمين ابنك لأول مرة في حياتك؟

شعور حلو عيوني دمعت لما جابوه لي كان يطالعني و فاتح عيونه و مطلع لسانه حبيبي ربي يحفظه و الحين حامل ربي يسهل علي و يسهل عليكم و يرزقنا اطفال سليمين و يرزق كل متمنيه يارب