السلام عليكم جميعاً
كيفكم صبايا يارب تكونوا بخير
عندي سؤال ويارب تفيدوني .. أنا من سنه ونصف تقريبا بيحصل حمل كل شهر تقريبا والبريود تتأخر يومين تلاته وبكون واخده مثبت حمل الدكتور كاتبهولي لاني بكون متابعه معاه من أيام التبويض وأعمل إختبار حمل في البيت يكون موجب وبعدها بساعات البريود تنزل الدكتور بيقولي مفيش سبب لعدم ثباته خصوصاً إني عملت تحليل لعينة الرحم وكانت طبيعيه الحمد لله .. وبكون مرتاحه جدا ومش بعمل مجهود ولا أي حاجه ومش عارفه أعمل إيه ولا أخليه يثبت إذاي.. بقرأ آيات التثبيت من القرآن وأدعية للتثبيت وبرده مفيش فايده أنا دلوقتي حاسه بكل أعراض الحمل اللي بقيت خبره فيها ونفسي أعمل أي حاجه عشان يثبت ياريت اللي تعرف حاجه تفيدني وربنا يجازيكم خير الجزاء يارب