[حياتي توأمي]

حبيبتي بحثت لك عن أشياء قد تفيدك

تفضلي
واتبعي الخطوات

بالنسبه للدواء :

بالنسبة لكبار السن الفاقدين للوعي تقريباً لا يستطيعون البلع بسهوله >> فبالنسبه للادويه مثل ما ذكرت وحده من الاخوات جزاها الله خير انو لازم من الهاوند الخشب عشان طحن الحبوب "الادويه" عشان تصير مثل البودره ثم توضع في فنجان و تضاف لها القليل من الماء حتى تذوب ثم يسحب هذا المذاب بواسطة السرنجه ثم توضع في فم المريض >> ثم يسحب كميه كافيه من الماء بواسطة السرنجه لانو لازم ماء مع الدواء يكون تقريبا بمقدار كاسه ..

بالنسبه للاكل :

ايضا كان بواسطة السرنجه و يكون الاكل سائل او مطحون بالخلاط ..

قبل اي شئ افضل انو يعطى " ملعقة اكل عسل + ماء " مقروئ عليهم على الريق ..

مثلا :
الفطور : عصيده بالدقيق الاسمر بعد ما تطفي عنها اظيفي لها ملعقه زيت زيتون "نادك عضوي"+ ملعقة عسل "لانجنيز عسل الغابه السوداء "..
الغداء : أرز اسمر و لكن لازم يطحن بالخلاط ويصير شكله مثل العصيده ..
العشاء : شوربه "عدس او بطاطس او خضار وطبعا تطحن بالخلاط تصبح سائله" >> بعد ما تطفي عنها اظيفي لها ملعقه زيت زيتون ..

بالنسبه للماء و العصيرات :

لازم يشرب 8 كاسات في اليوم مو اكثر من كذا و و زعيها بالساعات ..

و تقدري مثلا تستبدلي كاسة الماء :
1- بانك تضيفيله عصيرات طازجه و احسن شئ عصير التفاح لانو يبرد المعده "انتي اعمليه له" , مثلا اجعليه له في الليل ..
2- ولا تنسي عشانهم ما يتحركوا فطبيعي الغازات عندهم تتعبهم اعمليله "يانسون او شمر " و ليس كل يوم >> اغلي مويه و طفي عنها بعدين ظيفيلها ملعقه "يانسون او شمر" و غطي عليها لمدة ربع ساعه ثم صفيها و خليه يشربها >> مره مفيده للغازات ..

ملاحظه عن اليانسون : لو كان يستخدم اسبرين فلا تعطينه "يانسون او شمر او حبه سوداء " لانو كلها مجريه للدم .. انا كنت مثلا لو كان يوم واحد فقط باعطيه هوه مع الاسبرين .. لكن لو كان اكثر من يوم وراء بعض باعطيه اليانسون اوقف عنه الاسبرين هذيك الايام لانو اخاف >> ما ادري قدرت انا اوضح هذه النقطه

ملاحظه بالنسبه لي مهمه جدا :

الارز الاسمر "أبازير" , طعمه غير مقبول ابدا لكن لما ضفته لوالدي في نظامه الغذائي بعد شهر بالضبط رجع ضغطه للطبيعي لانو كان ضغطه عالي جدا , تخيلي يوصل "200 " , و كان يستخدم حبوب للضغط لكن الحمد لله بعد شهر ما عاد يستخدمها و كمانا السكر تشافى منه .. << وهذا الكلام عن تجربه مني انا وليس كلام سمعته ..

بالنسبه للعطور :

الابتعاد عن العطور و البخور لانو الجهاز التنفسي عندهم يكون حساس جدا ..

بصراحه مافي احلى من المسك الابيض السائل ..
و بالنسبه لمزيل العرق ابتعدي تمام عن دوف و نيفيا "الكيماويات عموما" واستبدليها "شبه مطحونه + بودرة اطفال + مسك سائل او مطحون + ماء ورد" >> روعه

بالنسبه للاستحمام :

قد ذكرتلك افضل طريقه في موضوع سابق لكي ولكن راح ارجع واعيدها لكي :

لا تستخدمي الليفه او الديتول نهائيا لانها تحسسلهم جلدهم .. انتبهي ,
وكمانا لا تكبي المويه على راسه بجك او اي شئ عشان لا يتفجع

الافضل انو تشتروا له سرير مثل اللي في المستشفيات , جيبي مناشف ناعمه صغار 6 مثلا (او) قطن قطعيه كذا قطعه كبار "افضل القطن لانه انعم" لانو بشرتهم تكون مره حساسه ..
جيبي قدرين ( قدر حطي فيه مويه دافيه و صابون + جيبي ثاني قدر وسط حطي فيه مويه دافيه فقط ) ..
جيبي اول قطنه وغمسيها في قدر الصابون و ابدئي بالراس وهكذا وارمي القطنه وبعدين جيبي قطنه كبيره وحطيها في قدر المويه كانها تشطيفه وهكذا ..
كل جزء في الجسم بقطنه و التنشيف اخر شئ ..
وبالنسبه للابط بعد ما نشفتيه خلاص حطيله بودره او نشا .
المنطقه الحساسه نشفيها مزبوط بالمناديل عشان لا تلتهب و حطي نشا ..

كمانا حلقيله راسه كل ما روشتيه بآلة الحلاقه مثل اللي عند الحلاقين , ترى مره سهله حطيها على صفر , لانو الشعر لما يطلع يسبب ريحه للراس ..

اهم شئ تغيري له ملابسه كل يوم او مرتين في اليوم ..

المفرش تبع السرير غيريه كل يوم او مرتين في اليوم لو اتعدم ..

غيري سدحته كل ساعتين عشان ما يطلع له جروح ..

ارفعي رجوله على مخده بسيطه عشان ما تتنفخ ..

عموما سبحان الله الكبار مالهم ريحه وحشه عشان كذا روشيه مره وحده في الاسبوع عشان لا يتعب ..

يتبععععع ....