والله بالنسبة لموضوع حجم البويضة ده معرفش عنه حاجة لأنى صيدلة مش طب مش هقدر افيدك
اما لو كنتى عايزة تعملى تحليل دم فبيبان فيه الحمل من اول ايام حدوثه ( الا لو كان حصل فى الايام المتأخرة من الشهر فطبعا مش يبان دلوقتى )
ولو عايزة تعملى التحليل المنزلى ( بالبول ) لا لازم تستنى بعد ميعاد الدورة بكام يوم وفى حالات كتيرة بتبقى النتيجة مش واضحة اوى انا عن نفسى فضلت 3 ايام مش عارفة اذا كنت حامل ولا لا وعلشان ظروف شغل جوزى معرفتش اروح اعمل تحليل الدم
والافضل انك لو تقدرى تروحى تعملى تحليل الدم اسرع ونتيجته ادق
انا قصدت بموضوع الشهرين دول ( على الاقل ) ان الرحم يكون رجع لحالته الطبيعيه ويتحمل انه يشيل جنين جديد ومايبقاش ضعيف وينزله لا قدر الله ( اختى عملت كده وربنا كرمها بعدها على طول )
وربنا يكتبلك الخير ان شاء الله