السلام عليكم ورحمه الله وبركاته
بنات عندى اعراض معينه واتمنى استفيد من خبراتكم وانكم تدعولى بالحمل السليم المعافى يارب
اولا انا بعد ايام التبويض بحوالى اسبوع وقبل البريود باسبوع برضو حسيت بدوخه كدا وجسمى كله سخن والحكايه دى استمرت معايا كام يوم بعدها قبل البريود بيومين عندى تقل فى بطنى من تحت وسعات وجع فى الجنبين من المبايض والم ف المبايض اثناء الجماع صعب زى النغذات
وبعد معاد البريود ب5 ايام عملت تحليل منزلى طلع النتيجه سالب والبريود لها الان 7 ايام تاخير صراحه هيا غالبا مش منتظمة ساعات كدا وساعات كدا وحاليا عندى وجع الظهر فظيع اووووى وتقل اسفل البطن ودوخه واحيانا صداع واحساس بخفقان القلب وضيق نفس وبنام اكتر من عادتى واحساس فظيع بغممان النفس وعايزه ارجع بس مش برجع ومستمر لحد الان والبول عادى مفيش فيه اختلاف وصدرى عادى طرى مش جامد
انا هستنا كام يوم ولو مجاتش البريود هعمل تحليل لانى قريت ع النت ان اختبار الحمل المنزلى المفروض يتعمل بعد معاد البريود ب اسبوع او 10 ايام علشان يبان اكتر نفسى اطمن ادعولى بالله عليكم