السلام عليكم
كيفكم بنوتات
ابشركم ولدت يوم الجمعهاافجر الساعه3 بتاريخ 30/12/1435 الموافق 24/10/2014
يعني لو تجملت بنتي وجت 1/1 هجري 😅
بس استعجلت هههههه
ولدت بالاسبوع 39 واربع ايام
كنت جالسه بالصاله العصر عااادي وشوي احس تحتي مويه حاره واقوم والاقي المويه نزلت وامشي عالحمام والاقيها خضرااا😭 ومو راضيه توقف ... انا كنت الصبح تروشت بمويه دافيه وافطرت رطب وشربت عصير اناناس ..
طبعا بدلت ملابسي ورحت المستشفى لاني خفت من المويه الخضرا لان بولاداتي قبل صح تنزل مويه بس شفافه مو خضرا
والخضرا معناتها البيبي متبرز بالبطن وهذا مو كويس
وصلت المستشفى عالمغرب قالت فاتح 2سم وقالت في طلق وطلعتني غرفة الولادة
وطلبت ابرة الظهر لما فتح 4 سم
وجا طبيب وعملها لي وكانت تجربه مثيره لانها مغامره بس الحمدلله ما ندمت ريحتني ..
بس وقت الولاده مافي راحه مهما حصل لان الدفع متعب
بس اني طولت لان المريه نزلت 4 العصر الخميس وولدت الجمعه الفجر الساعه 3 يعني 11 ساعه 😭😭😭
وجبت بنوته ولله الحمد بس الخياط متعب لاني طلبت تجميلي ..
وخلوني بغرفة الولاده ساعتين لان شككو ان عندي نزيف
والحمدلله ولدنا وخلصنا وعقبال البنات الباقيات من مواليد اكتوبر ..