بسم الله الرحمن الرحيم
السلام عليكم ورحمه الله وبركاته
انا لي فترة اتعالج واخذ كلوميد و ابر تفجيرية وعملت تلقيح صناعي
بس ربي ماكتب لي احمل مع العلاج
ولمن تركت الموضوع لربي وبديت اهتم ببشرتي
وشلت من راسي اني احمل حملت بالشهر اللي ما كنت اظن اني احمل
طبعا انا سبق لي الحمل والولادة 3 مرات طبيعي وبدون اي علاج
قبل ما اكتشف اني حامل قمت باستخدام خلطات للتبيض
وتشقير للبشرة قبل يوم عرفة
بعدها ب 4 ايام عرفت اني حامل
دورتي كانت بتاريخ 10 _11_1435
وحللت منزلي طلع خط واضح وخط خفيييف
بعد موعد الدورة بيومين
مع العلم ان دورتي 28 يوم
سويت سونار يوم 15_12وقالت باقي قطة دم
تعالي بعد اسبوعين عشان نشوف النبض
رجعت بعد اسبوعين قالت الدكتورة ان الكيس صغير 6 ملم ولا يوجد جنين
وان حملي ضعيف وعطتني تحاليل طويلة عريضة عن اسباب التسقيط
وعطتني علاج اسبرين عشان يكبر الجنين بس ماستخدمته لان طبيبتي الثانية قالت ماله داعي
رحت مستشفى حكومي اليوم الثاني وقلت لها بكلام الدكتورة ووريت ورقة التحاليل
قالت ان هذي بس للاتي سبق لهن التسقيط ولاحاحة لذلك
وانك ببداية الحمل صحيح انه صغير الكيس والمفروض انه اقل شيء 20 ملم
بس باقي بدري على هالكلام
بعد اسبوع راجعت المستشفى وقالت لي الطبيبة انه صغير
وان ممكن يكبر لازم ننتظر
ولي الحين اكثرمن شهر وانا كل ما اروح يقولون لي كيس صغير بدون جنين
وان نمو الكيس مرة بطي
مع اني سويت تحليل رقمي وطلع مرة مرتفع وبالاسبوع السابع
وكان بالاشعة ان الكيس بالاسبوع الخامس
وانا الحين بالاسبوع السادس ولا يوجد جنين بالكيس
ومن فترة لفترة ينزل نقط دم
اخر كشف كان امس الكيس 1سم و6 ملم
ولايوجد جنين
وجميع اعراض الحمل عندي
وقالت لي هذي الحالة عندنا علميا تسمى البويضة العمياء
واني لازم اسقط لانه حمل بدون فايدة
مين حصل لها نفس حالتي؟؟
كيس بدون جنين وكم استمرت بالحمل
وهل اللي استمر حملهم رزقوا بطفل سليم معافى
الله يسعد اللي ترد علي
فانا في حيرة من امري
واول مرة اعرف ان فيه كيس بدون جنين