[ميدوري]

انا ولدي خديج ولدته بالاسبوع ٣٠
بالنسبه للخدج مو كلهم يعانوا نفس المشاكل بعد الولاده و لا بعدين في حياتهم
الموضوع يختلف من طفل لاخر حسب نمو الطفل و وزنه
يعني مثلا الوزن كل ماكان اقل كل ما كانت مناعة الطفل اضعف و كلما زادت مشاكله الصحيه و بالعكس لو كان وزنه كويس
انا ولدي كان وزنه ٨٠٠ غرام فقط جدا قليل و تعبنا كثير نفسيا و هو بالحضانه
عكس لما يكون البيبي وزنه كيلو و نص و اكثر تكون صحته افضل

المشاكل الي ممكن يعاني منها الطفل الخديج اول شي الرئتين و عدم اكتمالها هذي من اغلب المشاكل و اهمها
لكن في اطفال تكتمل الرئتين بعد الولاده بسرعه و مايحتاجوا تنفس صناعي ،،، البعض يحتاجوا تنفس صناعي مده طويله
التنفس الصناعي هو له مضاعفات اهمها مشاكل بالسمع و النظر علشان كذا لازم نسوي للخديج فحص دوري لسمع و النظر

الطفل الخديج لما يولد يكون معرض للاتهابات كثيره خاصه لو كانت مناعه ضعيفه
و هذا الشي حصل معنا يتشافى من التهاب ويرجع له مره ثانيه
و كمان ممكن نقص بالصفائح الدمويه
بعض الاطفال الخدج الفك عندهم ضعيف و ما يقدروا يرضعوا عن طريق الفم فتكون الرضاعه عن طريق انبوب يوصل للمعده

انا ولدي ماكان يقدر حتى بالانبوب اول شي كان عنده مشاكل بالهضم و ما كان ياخذ حليب ابدا ابدا بس مغديات
بعد لو جبتي طفل خديج بيكون الافضل تشفطي الحليب من الصدر كل ساعتين لان حليب الام اخف للخديج و اكثر فائده من الصناعي

ممكن تحفظيه في علب من نفس الحضانه و تخزنيه بالفريزر و لما يصير الطفل يرضع تعطي الحضانه منه

بالبدايه صعب يرضع من الصدر لان الفك عنده مرره ضعيف .. هالشي ما ينطبق ع الكل بس غالبا

انا ولدي ماقدر يرضع طبيعي كنت اشفط له و بالرضاعه احط الحليب
من صدري كان مايقدر .. طبعا بالاخير نشف الحليب لان مع البيبي مافي وقت اشفط حليب بانتظام

ومن المشاكل بعد نقص فتامين دال و لين العظام .. تاخر المشي

و في مشاكل اكبر مثلا بعض الخدج يكون عندهم فتحه بالقلب
و البعض يصيبهم نزيف بالدماغ هالامور اصعب و تحتاج عمليات