السلام عليكم ورحمة الله وبركاتة
الحمد الله ولدت قبل حوالي عشر ايام وجبت بنت ولدت في اليوم 29 من التاسع سويت كللل شي عشان اولد بس سبحان الله ما ولدت الا لما ربي كتب لي الولادة فجاه من صلاة الفجر احس بافرازات لزجة بيضاء خفيفة وانتم بكرامة صليت ونمت وصحتني بنتي الصغيرة على ثمان الصباح تبغى الحمام ولا حضت نزل مني خيوط وردية مع الافرازات اللزجة انا هنا فررررررحت وقلت ولادة باذن الله وجاني طلوق خفيف كل ربع ساعة وعلى تسعه حسيته قوي وصار يجي كل عشر دقايق وانا وقتها سويت كاس حليب معاه ملعقة عسل طبيعي وشربتها وصرت امشي واقراء قراءن عسى الله يسهل علي وينفتح الرحم واولد ع طول اذا رحت المستشفى ورحت يالله وصلت قوى الامن على عشر ونص بسبة الزحممة وقالت لي ولادة الرحم 7 سم والحمد الله جاني الطلق القوي والولاده يمكن بس ساعة وحدة من 12 الظهر ل 1 وتيسرت يالله لك الحمد ......
القابلة اللي ولدتنيماليزيه كانت باذن اللهمن اسباب تسهيل ولادتي مررره متعاونة وتذكرني بالله ويوم تعسر خروج بنتي قالت لي انتي اقري اية الكرسي هو يطلع ووالله ما خلصت قريت الكرسي الابنتي طالعه ونفس الشي وهم يطلعون المشيمة والحمد الله اللي سخر لي دكتوره طيبة ....وانا دايما اقول الولادة لابد تكون صعبة بس يسهلها اذا الي تولدك متعاونه معك وتذكرك بالله ...وكنت دايما ادعي ربي يسخر لي اللي بتولدني ويلهمها الخير والحمد لله اللي اكرمني واستجاب لي ....
الله يسهل على كل حامل ولادتها ويتمم لها بخير ويرزق كل محروم بالذرية الصالحة