[" امنية حياتي "]

المشاركة الأصلية كتبت بواسطة راسيل

الله يجزاك خير امنيت حياتي
بس احس هذي النصائح متعبه للنفسيه وصدمه كبييييييره اذا قمت فيها ومانجحت العمليه ؟! اتوقع ما اكررها واكره عمليات اطفال الانابيب ،،
اذا تعبت نفسي بالطريقه هذي ما اخرج من البيت ولا اتحمم ولا اتحرك واصلي وانا جالسه اذا مانصحتني الدكتوره بالصلاه جالسه مايجوووز اصليها وانا جالسه ،، لان القيام مع القدره وااااااجب انتبهوا يا اخوات ،، بس بعرف مين اللي اخترع هذي الحركات الدكاتره ماتكلموا بهذا الشيء قالوا عيشي حياتك العاديه بدون اجهاد نفسك بشغل ورياضه وغيره

ومشكوووووره يالغاليه هذا مجرد رأي ..

رد: من اهم اسباب نجاح عمليات اطفال الانابيب بعد ارادة رب العالمين
يارب تنجح عمليتي واثبت لكم اني صح
لاني عشت حياتي هذي المره اكلت كل شيء ورحت وجيت واشتغلت واتحممت وانبسطت وماحسيت بالانتظار احيانا انسى اني مرجعه اجنه .
وانا اليوم 12من ارجاع الاجنه ..

يسلمووو حبيبتي راسيل لمرورك وردك العطر ,, بالنسبة للنصائح انا مثلك كذلك شفتها قاسية حيل لكن لو تعرفين اللي كتبت عن تجربتها هذه وحدة مرت بتجربة الحقن المجهري عانت الكثير بسبب زوجها عنده صفر حيوانات منوية واخذو منه كذا خزعات حتى يفتشون عن حيوانات منوية وفي كل مرة ماكانو يلقون ومرة وبالمرة الثالثة او الرابعة لقو عنده حيوان او حيوانين المهم فرحو وجمدوهم لحين موعد تخصيب البويضة وترجيع الاجنة وهية يمكن لهذا السبب حاولت قدر الامكان انه تحتفظ بجنينها وما تفقده والله قدر لها انه يتمم لها حملها وحملت الحمدلله الحين عدها ولد بصراحة مادري شأكولج هية كلها بأرادة رب العالمين يعني يمكن الوحدة تبقى ما تتحرك وما تتحمم وبالاخير لا سمح الله يروح جنينها والعكس صحيح كلها بأرادة رب العالمين سبحانه وتعالى اما انتي اختي حبيبتي راسيل اتمنالج من كل قلبي انه هالسنة تكون خير عليكم و اتمنالج حمل سليم ومعافى وانه تبشرينا بخبر حملك بأقرب وقت امين امين يارب