[أم حمودي وعبودي]

صار موعدنا مع الدكتور خالد الي بيعمل لنا أطفال الأنابيب ، فقررت إني ما أقول للدكتور على الإجهاض الي صار وقلت لزوجي لا تجيب سيرة للدكتور بعدين ما يسويها لنا ، بس زوجي لما دخلنا على الدكتور قال ترى زوجتي صار لها كذا وكذا ، وسألنا الدكتور كم مرة صار إجهاض ، قلنا مرتين ويمكن ثلاث لأني أجهضت قبل عملية التلقيح الصناعي بس ما كنت فاهمة الموضوع قبلها ، وقال الدكتور إذا كذا لازم نعرف سبب الإجهاض المترر قبل أي خطوة ثانية . بس التحاليل كثيرة وتحليل الكروموسومات بالذات يحتاج لموعد خاص . والحمد لله كل التحاليل سليمة ما عدا بروتين C أو S كان أقل من الطبيعي ، وهذا يعني إحتمال زيادة تجلط الدم ، وكتب لي على أسبرين الأطفال ، فوليك أسيد ، فيتامين d ، وكالسيوم ، و فيتامينات سينتروم عشان توني مجهضة ، يا الله صرت صيدلية كل هذه الأدوية آخذها بس الي مخليني أصبر إن أكثرها فيتامينات ، في البداية تأخرت الدورة وحللت سلبي بعدين نزلت الحمد لله طبيعية ، والشهر الي بعده تأخرت وسويت تحليل حمل طلع عندي خطين الثاني خفيف بعد كم يوم نزلت ! الشهر الي بعده نفس الحكاية طلع لي خطين ونزلت هذا الشي اسمه الحمل الكيميائي ، ليش يصير معاي كذا شي يحط العقل بالكف والشهر الي بعده صدري يألمني بقوة قلت أكيد هرمون الحليب يقولون ممكن يرتفع بعد الإجهاض بس قلت خليني أجرب تحليل الحمل أول ماني خسرانه وطلع عندي خطين بس هذه المرة كنت فرحانه شوي وخايفة كثير على الجنين ، ورحت مستشفى خاص عند الدكتور بدر وهو دكتور شاطر وفاهم في حالات الحمل الصعبة ، وكتب لي على أبر مسيلة وأسبرين و حبوب كورتيزون وأخذتها بس الدكتور سافر ورحت لدكتوري الي كنت بعمل عنده أطفال أنابيب بس ما كان موجود ودخلت على دكتورة قالت لي آخذ الأبر والأسبرين بس الكورتيزون مافي داعي لأن ما عندي أجسام مضادة وتركته ، ووصلت بحملي للإسبوع 12 بعدها نزل مني إفراز لزج كبير شوي ، خفت قلت هذا شكله سدادة عنق الرحم الي يتكلمون عليها حوامل الشهور الأخيرة ، وبالفعل رحت المشتشفى وسوولي سونار وهذه المرة الجنين توقف نبضه ، وتركت المثبت ونزل بعد خمسة أيام بس بهذا الجنين تعذبت ، شفت شكل الجنين لما نزل والمشيمة بقت داخل ونزلت بعد كم ساعة وضلت شوية بقايا عشان كذا نوموني في المستشفى 4 أيام وشوي يقولون لي كلي وشوي يقولون لا تاكلين عشان يمكن نسوي لك عملية تنظيف والحمد لله ما احتجت للعملية ، الجنين سويناله جنازه ودفناه أبوه في المقبرة ولا زال يجي على بالي وأحس بالألم عليه ، كان جنين مكتمل صغير وضعيف عيونه مليانه حزن وأتذكر حتى أصابعه الناعمة ، يا ترى شو الي صار عشان مات جنيني مع إني سويت كل شي وكنت آخذ أبر كل يوم ، الحمد لله على كل حال ، إنا لله وإنا إليه راجعون

أكمل لكم قصتي المعقدة