اول شيء طفلك لسى صغير ماعنده وعي ومايميز التعليمات الي توجهينها له بشكل جيد استغرب منك الله يهديك كيف يطاوعك قلبك تعاقبينه او تقسين عليه وهو اصلا مايفهم يعني مجهودك ضايع معه
ثانيا لازم توفرين له البديل يعني العاب يتسلى عليها يكسرها يعمل فيها مابداله او غرفه تسلية امنه مايكون فيها شي خطير او شاشة زي البروجكتر تعرضين له عالجدار افلام كرتون خاصه بهذا السن تحملينها من النت المهم تعوضينه بشي قبل ماتحرمينه من كل شيء
والاهم من ذا كله وجوده وحداني اغلب الوقت راح يزيد المشكله لازم يحتك بالاطفال في الاماكن العامه ويخرج باستمرار من البيت يشوف الناس ويتعرف على المحيط الخارجي وراح تلاحظين انه يحن لاقرانه ويحب يلعب معهم ويكون في قمة سعادته
وكل الي حكيتيه اشوفه في ولد اختي لكن عشان سفر امه الاضطراري الكل يعامله بحنيه ونحاول مانعنفه مهما عمل والحمدلله كل ماله بدى يهدى عن اول وصار متعلق بالخروج والسياره يرجع من الملاهي تعبان ينام ويصحى يمارس نشاطه اليومي الشاق ههههههههههههه بس منجد عامل ونس بالبيت الله لايحرمنا منهم ولا من برائتهم وشقاوتهم