الحمدلله عسلامتك وسلامة البيبي ويتربى بعزكم
أنا دكتورتي ما شجعتني كتير عالطبيعي وما حملت لبعد سنتين تقريبا من العملية
المشكلة يا أختي ما فيكي تميزي بين الدكتورة صاحبة الضمير وبتخاف الله فيكي وبين الدكتورة اللي بتموت عالقرش بغض النظر عن النتائج والعواقب اللي بتسببها للمريضة لأنو أكيد العملية ما بتاخذ من وقتها إلا نص ساعة بالكتيروالمبلغ محرز بس الولادة الطبيعية ممكن تطول معها ساعات والمكسب قليل
والله ماعاد إلي ثقة بالطبيبات ولا حتى بكلامن إلا من رحم ربي
يرحم أيام جداتنا كيف كانوا يولدوا بالبيت ولربما بعض الأحيان يحتاجوا للداية (القابلة)
لا تواخذيني عالإطالة بس منفوخ ألبي من بعض الطبيبات
ربي سخر لي و لجميع المقبلات على ولادة دكتورة شاطرة تخافك وتخشاك وتشتغل بضمير
اللهم آمين