[ملاك الليل]

ما شا الله الله يبارك لك وان شا الله تبشرينا بحملك ، كنت عندها في شهر شعبان السنة الماضية وربي ما كتب لي الحمل بس بشكل عام هي حبوبه مره وتتجاوب معك وتعطيك مجال للاخذ والعطا

وكنت اراسلها بالجوال اذا حصل لي شي وتجاوب ما شا الله ما تطنش والمفروض كل طبيب كذا ،

أنا كان عندي تكيس وتبويضي مع التكيس يكون ضعيف وزوجي كمان عندو ضعف ، وكان في احتمال يصير لي فرط تنشيط وعطتني حبوب تستخدم لارتفاع هرمون الحليب عشان ما تحصلي مضاعفات وقالت هذي دراسة جديدة تستخدم ل حالتك وقالت اذا رحتي للصيدلي وقالك غلط ما تستخدم كذا لا تسمعي له انت حاله خاصه ، وهذا شي حلو بعد ،،

وراح تحسي بحنانها وقت السحب والترجيع والله يكتب لك الخير

المركز بشكل عام مرتب ويفتح النفس ونظام المواعيد عندهم ممتاز ما فيه انتظار كثير بس عيبهم في التجميد ما يجمدون اقل من سته ولازم يكون منهم درجة أولى اذا كلهم درجة ثانية ما يجمدونهم