مرحبا كروشات اخباركم مع التعب اول شي من زمان وانا خاطري اكتب لكم قصة ولادتي بنتي الان عمرها سنه و7شهور مالكم بالطويله طبعا انا من اول التاسع قلت بروح المستشفى افتح ملف مع العلم مستشفى حكومي بس قلت علشان وقت الولاده لاجيت مايطولون معاي وكلن يوصيني لاتخلينهم يتسوون لك كشف داخلي ورحت لكم طبعا مافيني شي ابد وكني مفهيه جات الدكتورة من غير تسالين فيك شي ولا حاجه علي لبست القفاز وكشف وانا ساكته كشفت ومررره يالم وقالت لي روحي اول الحمام بعدين غرفه التخطيط دخلت الحمام وشفت دم واحس بطلق بس خفيف من الكشف وسويت التخطيط وقالت لي معاك طلق خفيف تبين تنويم قلت انا لاوطلعت علي مسؤليتي وزوجي يهاوشني ليه ماجلست يبني اولد بااي طريقه كنه هو اللي حامل خخخخ طلعت بعدها ورحنا المول تمشيت شوي وخذنا عشانا ورجعت الشقه ومازال الالم بس خفيف ومحتمل والدم مازال بعد كلمت اختي قالت وش يجلسك تعالي بيت اهلي وقمت جهزت عفشي ورحت وثاني يوم خف الالم بس تحول لون الافرازات لبنيه قلت لاجا بكره ومازاالات الافرازات بروح المستوصف وكنت متخوفه اروح علشان الكشف بس الجمدالله اختفى والطلق راح جلست لين اخر التاسع وانا من دخلت التاسع اكلي لي 7حبات تمر وادهن بطني وصدري بزيت زيتون مقري فيه وكنت امشي تقريبا يوما بس مااطول كثير لان يشتد علي فخذي ولااقدر اكمل المهم ذاك اليوم طلعت مع اختي للعثيم ومشيت كثير ورجعت البيت واخر الليل اتصلي علي زوجي وقال يالله علي الممشو قلت خلاص مشيت ومافيني خلاص تعبت قال معليه علشان تولدين ورحت مشيت ورجعت شقتي العاده اروح انام ولاصحيت ارجع بيت اهلي بس هالمره جلست قال مشتهي مكرونه باشميل وسويتها وتعشا ونام هاذا ثاني يوم من المشي المتعب تعشا زوجي ودخل ينام وجلست علي النت طايحه لكم علي قصص الولاده خخخخ وحاطه لي ترويقه وماعلي من الشيطان رجيم وتتصل علي امي تقولي هاه فيك ولاده ولاوجع قلت لها لا مافيني شي كانت معزومه علي عرس وتحاتيني قلت لها روحي مافيني شي وسكرت منها اشوي فجاءه حسيت شي نزل مني دفعه وحده بس بكميه قليله نغزت علي طول حسبت اني سويتها علي نفسي استغربت دحلت الحمام وجاني الله يعزكم اسهال وبرضو ماحطيت ببالي انها ولاده طلعت من الحمام ومازال الماي يصب مجرد ماامشي ينزل كني بزر يبول استناست اني خلاص بولد واروح اكلم اختي واقول لها نزل علي ماي وانا شاقه الضحكه هي اخترعت قالت هاه انقلبت الضحكه لصياح وجلست اصيح حسيت بالصدقيه وخفت قالت لي وينك انتي قلت بالشقه قالت خلاص قولي لزوجك يوديك المستشفى وانا بحاول اجيك واروح اصحي زوجي وانا بصياحي قام مرتاع قلت ودني المستشفى وادخل علي السريع اخذ شاور وابدل ومن زود الذكاء مالبست فام امشي واخرخر خخخخ معليه بكريه سامحوني وزوجي كلم امه كانت موجوده تحت بيت جدته انا ساكنه بشقهم فوقهم وطلعت ركبت السياره واصيح واختي جات معي وركبت ام زوجي قالت وش فيكم استعجلتو صبرتي ابخرك وادهنك مع العلم اني حاطه ببالي اذا جاني طلق بسوي كل ذا لحالي مشاء الله وبالاخير ولاشي المهم وصلت المستشفى وانا منحرجه صارت الارض كلها ماي دخلت الطوارى وقالت مفتوح بس 1سم قلت كل ذا وواحد وماكان فيني ذره الم قالو تنويم خلاص صعدت فوق والممرضه حسبي عليها نفسها خايسه جدا تكلمني من طرف خشمها كني مسويه لها جلست اشوي قالت قومي غرفه الدكتوره بتكشف عليك ورحت كانت الدكتورة بكستانيه سوت لي سونار وقامت قالت انتظري الاستشاريه وجات وكانت مصريه قالت نسبت الماي نازله بس موكثير زينه وقالت بتكشف تحت قلت خلاص كشفت تحت بالطوارى قالت لا لازم كشفت قالت مقفل الرحم ودخلت شي كبير وينفتح ذبحني وجلست تطل هي والممرضه مدري وش عليه يطلوون قالت انتظري الصباح يجي الدكتور وكانت وقتها الساعه 12 ونص وكلن يتصل علي وش فيك مافيك ويتطمون علي ويطمنوني جا الدكتور قال بننتظر عليك اليوم اذا ماولدتي بنركب لك طلق صناعي الساعه 12 باالليل وكل 6ساعات تحميله ثلاث دفعات اذا ماولدتي قيصريه طبعا خفت مره ماابغى عمليه وجلست ادعي واقر سوره مريم والزلزله والنوم لكم عليه حدي ساعه واقوم من ازعاج الممرضات وعاملات النظافه جلست طول اليوم كذا مافي الم قلت خلوني اتمشي ومارضو علشان الماي ينزل مجرد ماانقلب علي السرير ينزل جات 12 اليل وحطت لي الدكتوره تحميله وقالت مفتوح 2سم وجاني الم خفيف مره جات الساعه 6 وحطت لي التحميله الثانيه وبدا مفعولها حاولت اهدي نفسي واتماسك ودموعي تصب طبعا ماحد حولي والجرس خربان يعني تبين شي قومي لهم زاد الالم وقمت من غير شعور والحمدالله غرفتي قدام الاسقبال شافتني السستر ونادت الدكتوره وكل شوي يزيد الالم رجعت سريري واستفرغ اللي معاي بالغرفه رحمتني وقامت تنادي السستر جات الدكتوره كشفت قالت 4سم خلاص ولاده قالت قومي اول الحمام علشان افضى بطني كني وقتها قادره اسوي شي بس مفهيه ادخل الحمام ومدري واسوي واطلع جابت لي الستتر كرسي وحطت حجابي ومدري وشلون لفته وقطت وجهي وعطتني ابره عن الترجيع وتطلعتا من قسم التنويم الي بوجهي رجال مدري وش جابه استحيت خخخخ دخلنا قسم الولاده وانواع الصراخ دخلت غرفه الطلق غرفه صغيره ومظلمه لمبه وحده بس تصك القلب قالت لي السستر قومي انسدحي علي السرير وانا بالموت اقووم من الطلق وانسدح تجي السستر الثاني تبع القسم قالت لالالا وديها الغرفه الثانيه علشان في وحده ثانيه وماتبي تروح وتجي علينا ومافي مراعاه للي قاعده تتالم تقولي يالله قومي قلت صبري بس يخف الالم بس خف واقوم للكرسي وتوديني غرفه ثانيه وتحط لي التخطيط والمغذي والبخار وكل علي بالي البخار هاذا الكمام اللي يدوخ ويخفف الالم طلع بس بخار قصو علي وانا نشف ريقي وانا اشفط فيه كان الطلق كل ماله ويزيد حتى موقادره اتكلم وادعي لاراحت الطلقه ادعي بداخلي والسستر الله لايوفقها تقولي اذا حسيتي سم سيم براز ناديني وتطلع وتخليني يعني كن فيني حيل اتكلم واقول لها ابغى ماي تقول لا ممنوع وتطلع جات سستر ثانيه قلت ابغى ماي وراحت قلت اكيد سحبت علي زي الثاني بس الحمدالله جابت لي نص كاس ونصه انكب وانا اشربه كني مشفوحه خخخخخخ وكلما تقيس يفتح الرحم اكثر وكل بين طلقه احس يجيني نوم غير طبيعي حتى اقوم بنفسي بس ابغى انام ولاجلست اولد ورجع الالم يخليني اصحصح زين مازين بعدها حسيت اني بدفع وماحد حولي وحاولت امسك نفسي وماادفع والسستر جات قلت لها ترا من شوي حسيت بالدفع وتقيس تشوف كم فتح وتقولين لاتدعين وتروح حسبي عليها وبعدها صرت مااقدر امسك نفسي صرت ادفع من غير شعور ليت جات السستر قالت خلاص 10 يالله غرفه ولاده طبعا غرفه ثانيه سرير لحالك ومنوره وبااااااارده جدا قالت لي قومي من السرير لسرير الثاني وبالموت اتحرك ومافي الي قابله بتولدني ماتتخيلون شلون نفسها خايسه اكلمها ولاترد علي جلست ادفع وادفع لين قالت لين الراس بين يالله ماما شاطر تبيني ادفع بس الطلقه راحت واحسبها تكذب تبيني بس ادفع خذت نفس عميق وجلست بما اوتيت من قوه لين ماطلعت بنوتي جبيبتي طبعا بنتي ماصاحت وماكنت اعرف ان لازم تصيح قالت لي ماما جبتي بنت وقطتها بالسرير وانا خلتني كذا وجلست تكتب لين خلصت وقامت تنادي الدكتوره علشان تخيطني تخيلو نص ساعه وانا كذا جالسه جلست ارجف من البرد اقول لها قصري علي التكييف ولاكنها تسمعني حتى بنتي جليت تعطس وجات السستر تطلع البشيمه وتحرك بطني حسيت بقطعه طلعت مني وتجلس تدخل يدها تنظف بطني بغيت اموووووت احسها كنها تغرف قلبي وحطت لي بنج تحت علي اساس اني مااحس باالم جات الدكتورة سودانيه تخيط مت من الالم حسبي عليهم جهه فيها بنج وكنت احس فيه وجهه مافيها بنج بالمره كنت احس بشكه الابره وسحبتها وكل شي تعبت مررره لين خلصت وارتحت غسلتني وقومتني للكرسي وودتني غرفه الملاحظه وانا اطلق وبالغرفه الولاده جوالي يرن يوم رحت غرفه الملاحظه برضو يرن قلت لسستر جيبي الكيس وطلعت جوالي طلعت امي تتصل علي تطمن تقولين هاه عسى جاك طلق لان طول الوقت تتصل واقول لا قلتها ولدت ماصدقت قلت والله ولدت فرحت ياعمري عليها بعدها كلمت زوجي وتوه يدري كلم المسشفى وطاير من الفرح خلصت مكلماتي وبشرت الاهل قلت بنام اشوي ارتاح الي السستر اشوفها تدور بالممر وتنادي اسم وانا مو منتبهه طلعت تناديني جايبه بنتي وتقولي قومي رضعيها قلت تعبانه مقدر قالت لا قولي بالموت حاولت اجلس زي الناس ورضعتها اشوي واستفرغت ومااقولكم علي لبسها الثوب فيها بقع كوليكس واللفه شرشف يعني لاتعليق جلست وكان وقتها زحمه كثر بدت الزياره وهم ماصعودني غرفتي جا دوري خذتني السستر اغير ثوبي واغسل وجلست تكتب اوراقها وانا احس بدوخه واحس مااشوف زين كنه بيغمي علي واصب علي وجهي مااي احاول اصحصح وجات بتاخذ بنتي تعطيني اياها الي شافتها مستفرغه قالت انه موكيس ولازم يشوفها الدكتور قلت اوك وصعدت طبعا كالعاده الجرس خربان ابغى غيار ماحد حولك ابغى حد يطمني علي بنتي لان ماجابوها لي وبرضو مافي حد كلمت اختي لان حماتها تشتغل سستر بحظانه الاطفال عطتني رقمها وكلمتها الصباح وقت داومها وقلت لها شوفي لي بنتي اخبارها وقالت لي انها شرقانه بالماي علشان كذا ماصاحت والحيوانه اللي ولدتني ماكلقت علي نفسها تشوفها وتطلع اللي بفمها بس الحمدالله الدكتور طمنا عليها وحلف زوجي اول واخر مره تدخلينه والحمدالله علي كل حال ترا المستشفى مستشفى الولاده بالاحساء معروف انه زفت بس كادكاتره شاطرين بس رعايه زفت وانا من اول متردده اروح له بس الله كاتب لي وبس وتوته توته وخلصت الحتوته