الحمد لله انا عرفت قبل الدوره باسبوع بتحليل منزلي اقول لك حكايتي
طبعا ولدي ١٢ سنه الله يحميه وبنتي ٨ سنوات الله يحميها
انفصلت وحصلت ظروف خلال السنين الاخيره بعد ولادة بنتي
ومن ٦ اشهر وانا احاول الحمل بعد ما اتزوجت
ماخليت تحليل ولا ادويه ولا منشط ولاشي ما استخدمته وطبعا الله ماكتب
مالقيت غير مضاعفات من الكلوميد وارتفاع هرمون الحليب بعده وكذا قررت اتركها لربي وانسى الموضوع ومتى الله يكتب حيكتب
بالفعل من شهرين كنت في اخر يوم للدوره وانتوا بكرامه اشرب كاسة حليب حاره بملعقه فلفل اسود مطحون وزنجبيل امي تقول ينظف الرحم طبعا كان من ضمن الوسوسه عندي انه ممكن يكون عندي سدد بعد الانقطاع طول هذي السنين خصوصا اني ما استخدم موانع للحمل
المهم اشرب ٣ كاسات في اليوم الاخير للدوره لاهنتوا
وخلال فتره الدوره وانتوا بكرامه اعمل ثلاجة قهوه بس مو قهوه لا ملعقه قشر وملعقه مراميه وملعقه بردقوش واغليهم واصبها في الثلاجه بعد ما اصفيها واتقهوى طول اليوم
طبعا نسيت الحمل وهذا مهم جدا بعد ارادة الله انك تبعدي عن التفكير في الحمل لانه التفكير بحد ذاته يلخبط هرموناتك
كانت اخر دوره ليا يوم ٢٤/١/٢٠١٥ من قبلها وتحديد من يوم ١٠ للدوره وانتوا بكرامه كنت استخدم دوفاستون مرتين في اليوم عشان الدوره خفيفه عندي
اللي لاحظته انه في ال٣ اشهر الاخيره قبل ما احمل الشهر الماضي انه الدوره صارت تجيني قبل وقتها ب٣ او ٤ ايام وهذي علامه ركزي عليها انه الرحم بيستعد للحمل ان شاء الله على كلام امي وتحربتي في حملي السابق
جاتني الدوره حبيبتي في الموعد اللي ذكرته استمرت ٤ ايام كالمعتاد وشربت الحليب واتقهويت وكانت اخر دوره اشوفها
من قبل الدوره باسبوع الى الان وانا حامل في الشهر الاول مثل ماحسبوا الاخوات الم الصدر وطراوته مستمر ووخز الحلمه والغثيان والانفعال من اقل شي
وهذي العلامه خلتني اشك في الحمل وحللت بتاريخ ١٩ فبراير قبل الدوره بكم يوم تحليل منزلي والحمد لله طلع ايجابي اليوم الثاني حللت دم والحمد لله طلع ايجابي
وهذي حكايتي في الحمل
حارجع اعيد اللي حسيته او اللي مريت فيه من بعد الدوره
افرازات بيضاء ثقيله وطبعا هذي ما اشوفها غير في فتره التبويض
العصبيه والانفعال
الم الصدر او احتقانه ووخز في الحلمات
للان باقي ماشفت الاسمرار في الحلمات
بس زياده وانتوا بكرامه في التبول ويادوب كم نقطه او بالكاد لاتذكر
حراره في جسمي بعد فتره التبويض استمرت اسبوعين مع رشح وزكام
ارهاق من اقل شي واي مجهود
واسال الله ان يتمم حملي بخير وان يرزق كل محروم وان يقر عين كل ام بطفلها
تحياتي ام بدر